Бахшида ба “Соли ҷавонон” дар доираи нақша чорабиниҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Раёсати ҷавонон, варзиш ва сайёҳии вилояти Хатлон рӯзи 6 июн, дар ноҳияи Бохтар вохӯрӣ баҳри пешгирии ҷинояту ҷинояткорӣ, нашъамандӣ ва дигар зуҳуроти номатлуб дар байни ҷавонону наврасон доир шуд.

Шоҳзод Рахимов, сардори Раёсати ҷавонони Кумитаи ҷавонон, варзиш ва сайёҳии назди Ҳукумати кишвар, зимни суханронии хеш иброз дошт, ки имрӯз бояд ҷавонону наврасони мо аз имкониятҳои барои таълиму тарбия фароҳам сохтаи давлат истифода намоянд, маърифату маънавиёти худро комил созанд ва дар оянда ҳамчун шахси воломақом ва мутахассиси варзидаи ҷомеа соҳиби обрӯ шаванд.

Дар охир аз ҷавонон даъват ба амал оварда шуд, ки бояд ҳар яки онҳо касбу ҳунарҳои гуногунро аз бар намоянду баҳри пешрафту шукуфоии меҳан саҳмгузор бошанд.

Умед Мирзоев, “ҶТ”