ҶАВОНОН
Шанбе 21 Апрел 2018 06:50
4165
Кумитаи кор бо ҷавонон ва варзиши назди Ҳукумати ҷумҳурӣ дар доираи дастуру супоришҳои Пешвои миллат, муҳтарам Эмомалӣ Раҳмон баҳри ташаккули идрок, зеҳн, малака ва савияи дониши наврасону ҷавонон иқдомҳои наҷиберо ҳамасола раҳандозӣ менамояд.

Дар ин росто, 10 парел, дар Муассисаи давлатии “Наврӯзгоҳ”-и шаҳри Душанбе, Аҳтам Абдуллозода – раиси Кумитаи кор бо ҷавонон ва варзиш аз ҷараёни курсҳои ройгони омӯзишии забони руссию англисӣ, барномасозии компютерӣ, таъмири телефон, маърифати оиладорӣ, қаннодӣ, кадбонугӣ, дӯзандагиву бофандагӣ ва ороиши руйу муй, ки тариқи ройгон баҳри ҷавонон ташкил гардидааст, дидан намуданд.

Ин курсҳо аз ҷониби Кумита дар доираи Барномаи миллии рушди иҷтимоии ҷавонон ва даҳ самти афзалиятноке, ки барои татбиқи сиёсати давлатии ҷавонон пешбинӣ гардидааст, роҳандозӣ мегардад. Иқдоми мазкур метавонад, дар мустаҳкамии ҳаёти иқтисодию иҷтимоии наврасону ҷавонон саҳми беназир гузорад.

Аҳтам Абдуллозода, раиси Кумитаи кор бо ҷавонон ва варзиш зимни боздид таъкид намуд, ки “бояд шумо вақти худро босамар гузаронида, курсҳоро хуб аз худ намоед. Ин барои шумо бисёр як фурсати хуб аст. Ҳар фард дар айёми ҷавонӣ зеҳну хотираи қавӣ дорад, ки метавонад дар муддати кутоҳ дилхоҳ барнома ва ё забонро аз худ намояд”.

Ташкил ва таъсиси чунин марказҳо дар кишвар амали нек буда, он имкон фароҳам меорад, ки ҷавонон ба ҳунаромӯзӣ машғул шуда, соҳибкасб гарданд.

Дар охири боздиди худ аз ҷараёни курсҳои кутоҳмуддат Аҳтам Абдуллозода, раиси Кумитаи кор бо ҷавонон ва варзиш ба хатмкунандагони аввалини курсҳои мазкур сертификат тақдим намуда, ба фаъолияти минбаъдаашон комёбӣ хостанд.






Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Апрел 2018 c.