Муҳассилини муассисаҳои таълимӣ ва ҷавонони ВМКБ аз як катор биноҳои таърихиву ҷойҳои сайёҳии вилоят бозидид ба амал оварданд.

Ин иқдом аз ҷониби Раёсати кор бо ҷавонон ва варзиш зери увони “Як рӯзи тамошои Маркази сайёҳӣ ва Осорхонаи вилоятӣ” роҳандозӣ шуда, дар рафти он зиёда аз 70 нафар донишҷӯёни Донишгоҳи давлатии Хоруғ ба номи М. Назаршоев, Омӯзишгоҳи тиббии шаҳр, хонандагони МТМУ, ҷавонони фаъол аз Маркази сайёҳӣ ва ҳунарҳои мардумӣ, Осорхонаи марказӣ ва Муассисаи давлатии “Маркази ҷавонон”- и вилоят дидан карданд.

Сураҷ Чоршанбиев, муовини сардори раёсат зимни мулоқот бо ҷавонон таъкид намуд, ки феълан мо бо таъриху фарҳанги бостонии хеш дар сатҳи ҷаҳон маъруфият пайдо намудем ва донистани саргузашт, мавзеҳои сайёҳӣ, таҷрибаву сабақҳои таърих бароямон чун обу ҳаво зарур аст.