Бо дастгирии Раёсати кор бо ҷавонон ва варзиши вилояти Суғд, 16 январ, дар доираи чорабинии маҳфили “Пайравони Пешвои миллат”- и Раёсат   бо ҳамкории  маҳфили “Муаррихони ҷавон”- и Коллеҷи омӯзгории шаҳри Хуҷанд тренинги омӯзишӣ дар мавзӯи “Биёед китоб мехонем” баргузор гардид. 

Зимни суханрониҳо гуфта шуд, ки тоҷиконро дар ҳама давру замон бо фарҳанги воло ва таърихи пурғановаташон мешинохтанду мешиносанд. Ба василаи осори баландмазмуни адибу донишмандони бузургамон халқи тоҷик ба дигар қавму миллатҳо муаррифӣ гашт. Боиси  нигаронист, ки насли ҷавони имрӯза дар масъалаи китобхонӣ аз гузаштагони худ як кам дур монда, ба китобдорию китобхонӣ аҳамияти хоса зоҳир намекунанд.

Дар охир иштирокчиёни тренинг баҳри ҷалби қишрҳои гуногуни ҷомеа, бахусус ҷавонон ба китобхонию китобхонаҳо фикру ақидаҳои худро пешниҳод намуданд.