Ҷиҳати истиқболи сазовори Рӯзи ҷавонони Тоҷикистон ва соли 2018 “Соли рушди сайёҳӣ ва ҳунарҳои мардумӣ” байни ҷавонони касбу кори гуногун дар боғи фарҳангӣ-фароғатии ба номи Садриддин Айнии шаҳри Бӯстон чорабинии фарҳангӣ-фароғатии “Шоми ҷавонӣ” баргузор гардид.

Ҳамзамон, чунин чорабинӣ бо иштироки хонандагони литсейи №1-и шаҳр баргузор гардида, нахуст меҳмонон аз дастовардҳои хонандагони болаёқати литсей боздид намуданд.

Зимни ифтитоҳи чорабинӣ Зоирӣ Ғафур Маҳмудзода, муовини раиси шаҳри Бӯстон баромад намуда, қайд кард, ки баргузории чунин чорабиниҳо дар остонаи таҷлили Рӯзи ҷавонони Тоҷикистон ва соли 2018 “Соли рушди сайёҳӣ ва ҳунарҳои мардумӣ” фоли нек мебошад.

Дар интиҳои чорабинӣ барномаи рангини ҳунарӣ пешкаши иштирокчиён гардид.