Дар маркази тиҷоратии "Созидание"-и шаҳри Душанбе ва шаҳри Бохтари вилояти Хатлон чорабиниҳои омӯзишӣ дар мавзӯи "Роҳнамои соҳибкори ҷавон" баргузор гардид. Ин чорабиниҳо бо ташаббуси маҳфили соҳибкорони ҷавон дар ҳамкорӣ бо намояндагии Барномаи рушди СММ дар Тоҷикистон доир гашт.

Чорабиниро дар маркази тиҷоратӣ муовини директори маҳфили соҳибкорони ҷавон С. Қурбонов ҳусни оғоз бахшида, муовини сардори раёсати дастгирии соҳибкории Кумитаи давлатии сармоягузорӣ ва идораи амволи давлтии ҶТ З. Ҷӯразода ва мутахассиси робита ва рушди башари БРСММ дар Тоҷикистон Т. Розиқова вобаста ба аҳамияти ин чорабинӣ андешаҳои хешро баён намуданд.

Дар чорабиниҳои омӯзишӣ мутахассисони бахши кор бо ҷавонони шаҳру ноҳияҳои Душанбе ва вилояти Хатлон, омӯзгорони ҷавони факултаҳои иқтисодии донишгоҳҳо ва ихтиёриёни фаъолу дигар мутахассисон иштирок намуданд.