ҶАВОНОН
Ҷумъа 16 Апрел 2021 07:41
7858
26 феврал, аз ҷониби Раёсати кор бо ҷавонон ва варзиши шаҳри Душанбе дар қисми ҳарбии 02615-и Вазорати мудофиаи Ҷумҳурии Тоҷикистон бахшида ба таҷлили Ҷашни 30-солагии Истиқлолияти давлатии Ҷумҳурии Тоҷикистон чорабинии тантанавӣ ва барномаи рангини фарҳангӣ баргузор гардид.

Мақсад аз баргузории чорабинии мазкур, иҷрои саривақтии дастуру супоришҳои роҳбарияти Мақомоти иҷроияи ҳокимияти давлатии шаҳри Душанбе ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷиҳати ҳавасмандии афсарону сарбозон инчунин, боз ҳам баланд бардоштани ҳисси ватандӯстию хештаншиносӣ, худогоҳӣ, ифтихори ватандориву эҳтироми муқаддасоти миллӣ ба шумор меравад.

Чорабиниро Шоҳзод Раҳимзода, сардори Раёсати кор бо ҷавонон ва варзиши шаҳри Душанбе ифтитоҳ бахшида, дар идома полковник Абдусаттор Шоҳиён, муовини Вазири мудофиаи Ҷумҳурии Тоҷикистон, ва Дилноза Аҳмадзода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон суханронронӣ намуданд. Зимни суханронӣ ба афсарону сарбозон барои хизмати содиқона ба халқу Ватан муваффақияту бурдбориҳоро таманно намуданд.

Дар фарҷоми маросими тантанавӣ бо фармоиши Вазири мудофиаи Ҷумҳурии Тоҷикистон, генерал-полковник Шералӣ Мирзо, як қатор хизматчиёни давлатӣ баҳри саҳмгузорӣ дар тарбияи ҳарбӣ ватандӯстии ҷавонон ба медали ҷашнии 25 - солагӣ Қувваҳои мусаллаҳ ва сипосномаву ифтихорномаҳои Вазорати мудофиаи Ҷумҳурии Тоҷикистон қадрдонӣ карда шуданд.
Инчунин, аз ҷониби Раёсати кор бо ҷавонон ва варзиши шаҳри Душанбе роҳбарияти ҷузъу томҳои Қувваҳои Мусаллаҳ, ки дар шаҳри Душанбе фаъолият мекунанд, бо сипоснома ва тӯҳфаҳои хотиравӣ аз ҷумла, лавозимоти варзишӣ қадрдонӣ гардиданд.

Дар охир барномаи рангини фарҳангӣ, аз ҷониби Клуби марказии Раёсати фарҳанги шаҳри Душанбе пешкаши сарбозон гардид.

Исфандиёр АМАКҶОНОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.