ҶАВОНОН
Чоршанбе 26 Июн 2019 12:41
6017
Далер Миллуроев 13 майи соли равон пас аз ду соли пурра хизмати Модар–Ватанро дар қисми ҳарбии 07033-и Вазорати мудофиаи Ҷумҳурии Тоҷикистон адо намудан, бо сари баланду ифтихорманд ба назди волидонаш баргашт.

Вақте аз ӯ доир ба ду соли хизматаш дар сафи Артиши миллӣ пурсон гардидем, гуфт: “Ман соли 2017 ба хизмат рафта, бо сари баланд қарзамро дар назди Модар-Ватан адо намудам. Вазифаи мо ҳимояи бехатарии марзу буми кишварамон буд ва ман ин масъулиятро бо ҷону дил анҷом дода, то рутбаи сержант расидам. Ифтихор мекунам, ки дар сафи Қувваҳои Мусаллаҳ хидмат намудам”.
 
“Ман орзу дорам, ки фарзанди тоҷик ихтиёран ба хизмати Модар – Ватан рафта, саҳми худро дар ҳимояи Ватани хеш гузорад, - мегӯяд Далер Миллуроев. – Зеро ин кори мушкил нест. Мегӯяму боз мегӯям, ки ман ҳатто ба мушкилӣ дучор нашудам. Ду соли дар хизмат будан, қисми ҳарбиро хонаи худамон фикр карда, ҳамхизматонамро аҳли хонавода. Дирӯз, ки ба хона омадам, ба модарҷонам гуфтам, ки он ҷо тамоми шароити мусоид барои будубоши сарбозону афсарон буд, ба ҷуз дидори волидон аз чизе танқисӣ надоштем. Қисми мо яке аз қисмҳои беҳтарин буду доим дар назорат. Бо чунин ғамхориҳои Президенти кишвар муҳтарам Эмомалӣ Раҳмон фахр карда, ҷавобан ба ғамхориҳо ба Ватан, давлат ва Пешвои миллат содиқона хизмат намудам”.

Аз чеҳраи ӯ маълум буд, ки аз хизмат дар қисми низомӣ хурсанд аст. Модари Далер аз он меболад, ки фарзандашро чунин хушҳолу бардам мебинад. Ашки шодӣ аз чашмони модар мешориду бо чунин фарзанди бонангу номус ифтихор мекард.

“Вақте дар мактаб таҳсил менамудам, дар бораи хизмати ҳарбӣ ақидаам дигар буд. Ҳама ба гапҳои кўчагӣ бовар карда, ба хизмат нарав, он ҷо шароити хурду хўрок хуб нест, туро азоб медиҳанд, мегуфтанд. Лек вақте ба хизмат омадам, дидам, ки он гапҳо дурўғанду асосе надоранд. Шароити будубош аз ин беҳтар намешавад. Сарулибосам нағз, хўрок, ҷои хоб, дамгирӣ ва машқу тамрин хеле хуб аст. Дўстони хеле зиёд пайдо намудам. Ҳама аҳлона бо табъи болида хизматро давом дода, чанд нафар бо сари баланд ба хона баргаштем. Вақтҳои холӣ ба бозии футболу волейбол, тамошои телевизор, кино ва хондани китобу рўзнома машғул мешудем. Муносибати сарбозону афсарон низ хуб буд. Мехоҳам, ки дигар ҳамсолонам ҳам ба гапҳои иғвогаронаи кўчагӣ бовар накарда, ба ҳар даъвати Ватан лаббай гўянд. Зеро ўҳдадории ҳарбӣ ин ўҳдадориест, ки ба дўши ҳар шаҳрванди кишвар вогузор мешавад”, - афзуд Далер.
  
Дар охири суҳбат ӯ ҳамаи ҷавононро ба хизмати Модар – Ватан даъват намуда, гуфт: “Бояд ҳар як ҷавони бонангу номуси кишвар барои ҳимояи шаъну шараф ва марзу буми Ватани азизи хеш содиқона хизмат намояд, Ватани аҷдодии худро бо тамоми ҳастияш аз дилу ҷон дӯст дошта, ба ҳимояи он доимо тайёр бошад. Зеро хизмати Ватан - Модар қарзи шаҳрвандии ҳар як ҷавонмарди кишвар ба ҳисоб меравад”.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.