ҶАВОНОН
Панҷшанбе 23 Январ 2025 04:54
5 – уми декабр дар доираи нақша – чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи байналмилалии волонтёрон таҳти унвони “Хайрхоҳӣ шараф аст - волонтёр мешавем!” чорабинии идона баргузор шуд.
Дар ин бора маркази таҳлил ва иттилооти Кумитаи кор бо ҷавонон ва варзиши назди Ҳукумати кишвар хабар медиҳад.
Бино ба иттилои манбаъ, дар чорабинии ҷашнии фарҳангӣ Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Фарҳод Раҳимӣ, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Махфират Хидирзода, узви Комиссияи марказии интихобот ва раъйпурсии Ҷумҳурии Тоҷикистон иштирок ва суханронӣ намуданд.
Чорабинии идона бо иштироки масъулини соҳа, ҳайати волонтёрони дастгоҳи марказии Кумита, аҳли ҳунар ва намояндагони ВАО доир гардида, дар он 40 нафар ихтиёриёни фаъол бо сипоснома ва туҳфаҳои хотиравӣ қадрдонӣ шуданд.
Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни баромади хеш иброз дошт: - Воқеан, волонтёрӣ - мактаби бузурги далерию шуҷоат, тавоноӣ, ҳушёрию доноӣ ва руҳияи солим буда, барои ташаккули ҳамаҷонибаи наврасону ҷавонон ва инсонҳо мусоидати фаъол менамояд. Зеро ҳамон шахсе волонтёр шуда метавонад, ки дили гарму нияти нек, ташаббусҳои наву идеяҳои ҷолиб дошта, некхоҳу некбин бошад.
Дар идома таъкид шуд, ки таҷлили Рӯзи байналмилалии волонтёрон дар Тоҷикистони соҳибистиқлол далели таваҷҷуҳи Ҳукумати мамлакат, бахусус Президенти Ҷумҳурии Тоҷикистон муҳтарам Эмомалӣ Раҳмон нисбат ба ихтиёриён ва фаъолияти содиқонаву фидокоронаи онҳо мебошад. Хайрхоҳӣ, амали нек кардан ё ҳаракати волонтёрӣ дар замони муосир чизи нав нест. Зеро миллати тамаддунофари тоҷик аз қадим ҳамеша бо роҳи ҳашар ва дар якҷоягӣ барои ободии деҳу дастгирии шахсони ниёзманду барҷомонда дасти ёрӣ дароз мекарданд. Аз ин хотир, ҷавонону наврасонро мебояд дар пайравӣ ба гузаштагони соҳибтамаддун ин хайрхоҳиро, ки дар замони муосир бо шаклҳои нав зуҳур кардааст, пайгир бошанд ва давомдиҳандаи корҳои неки аҷдодон гарданд.
Дар баробари барномаи идона ва базму тараби ҷавонӣ миёни ҳайати волонтёрон викторина гузаронида шуда, ҳозирҷавобон бо туҳфаҳо қадршиносӣ шуданд.
Дар ин бора маркази таҳлил ва иттилооти Кумитаи кор бо ҷавонон ва варзиши назди Ҳукумати кишвар хабар медиҳад.
Бино ба иттилои манбаъ, дар чорабинии ҷашнии фарҳангӣ Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Фарҳод Раҳимӣ, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Махфират Хидирзода, узви Комиссияи марказии интихобот ва раъйпурсии Ҷумҳурии Тоҷикистон иштирок ва суханронӣ намуданд.
Чорабинии идона бо иштироки масъулини соҳа, ҳайати волонтёрони дастгоҳи марказии Кумита, аҳли ҳунар ва намояндагони ВАО доир гардида, дар он 40 нафар ихтиёриёни фаъол бо сипоснома ва туҳфаҳои хотиравӣ қадрдонӣ шуданд.
Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни баромади хеш иброз дошт: - Воқеан, волонтёрӣ - мактаби бузурги далерию шуҷоат, тавоноӣ, ҳушёрию доноӣ ва руҳияи солим буда, барои ташаккули ҳамаҷонибаи наврасону ҷавонон ва инсонҳо мусоидати фаъол менамояд. Зеро ҳамон шахсе волонтёр шуда метавонад, ки дили гарму нияти нек, ташаббусҳои наву идеяҳои ҷолиб дошта, некхоҳу некбин бошад.
Дар идома таъкид шуд, ки таҷлили Рӯзи байналмилалии волонтёрон дар Тоҷикистони соҳибистиқлол далели таваҷҷуҳи Ҳукумати мамлакат, бахусус Президенти Ҷумҳурии Тоҷикистон муҳтарам Эмомалӣ Раҳмон нисбат ба ихтиёриён ва фаъолияти содиқонаву фидокоронаи онҳо мебошад. Хайрхоҳӣ, амали нек кардан ё ҳаракати волонтёрӣ дар замони муосир чизи нав нест. Зеро миллати тамаддунофари тоҷик аз қадим ҳамеша бо роҳи ҳашар ва дар якҷоягӣ барои ободии деҳу дастгирии шахсони ниёзманду барҷомонда дасти ёрӣ дароз мекарданд. Аз ин хотир, ҷавонону наврасонро мебояд дар пайравӣ ба гузаштагони соҳибтамаддун ин хайрхоҳиро, ки дар замони муосир бо шаклҳои нав зуҳур кардааст, пайгир бошанд ва давомдиҳандаи корҳои неки аҷдодон гарданд.
Дар баробари барномаи идона ва базму тараби ҷавонӣ миёни ҳайати волонтёрон викторина гузаронида шуда, ҳозирҷавобон бо туҳфаҳо қадршиносӣ шуданд.
Хабарҳои дигар
Рӯзнома
Эзоҳи худро нависед