Дар шашмоҳаи соли ҷорӣ дар кӯлу дарёҳои кишвар 86 нафар шаҳрванд ҷони худро аз даст додаанд.

Дар ин бора имрӯз Рустам Назарзода, раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар нишасти хабариаш иттилоъ дод.

Ӯ бо таассуф гуфт, ки сарфи назар аз рейдҳои мунтазам, вохӯриҳо бо сокинон ва муроҷиатҳо тариқи телевизиону радио сокинон ҳанӯз ҳам беэҳтиётӣ мекунанд ва дар кӯлу дарёҳои кишвар ғарқ мешаванд.

- Бениҳоят вазъият ташвишовар аст. То ба имрӯз 122 нафар ғарқ шудаанд. Ин мушкил ҷиддӣ шуда рафта истодааст. Ҳамарӯза мо дар ин маврид гап мезанем, вохӯриҳою рейдҳо мегузаронем, аммо афсӯс ҳанӯз ҳам чунин ҳолатҳо ҳастанд. Падару модарон дар навбати аввал дар ин самт бояд кор кунанд,- баён дошт Р. Назарзода.

Инчунин зикр гирдид, ки аз ин шумора 8 нафар то синни 4 - сола, 9 нафарашон аз 5 то 10-сола, 23 нафар аз 11 то 16-сола, 28 нафар аз 17 то 35-сола ва 8 нафари дигар аз 35-сола боло мебошанд.

Фарзонаи УМАРАЛӢ, “ҶТ”