ҶАВОНОН
Душанбе 20 Май 2024 01:58
6668
Бахшида ба Рӯзи байналмилалии волонтёрон дар шаҳри Хоруғ ҷамъомади ҷавонону ризокорон баргузор гашт.

Ризокоронро сардори Раёсати кор бо ҷавонон ва варзиши ВМКБ Сураҷ Чоршанбиев, мудири Бахши кор бо ҷавонон ва варзиши шаҳр Имомёрбек Имомёрбеков ва мудири Шуъбаи кор бо ҷавонони Донишгоҳи давлатии Хоруғ Дидоршоҳ Насриддинов ба муносибати ин рӯз самимона табрик намуда, дар кори хайру сахо ва фаъолиятҳои пуршараф ба онҳо барору комёбиҳои навро таманно карданд.

Зикр гардид, ки волонтёрӣ аз корҳои наҷибу шоиста буда, ба ин васила маҳз қишрҳои ояндасози миллат дар амалҳои созанда ва бунёди ҷомеаи солим саҳм мегузоранд. Маҳз ҳамин шуғли ифтихорӣ аст, ки ҳар нафар ихтиёран аз рӯи виҷдону эҳсон амал карда, дар қалбу замири дигарон ҳисси худшиносию накӯкориро бедор менамояд.

Сипас роҳбарияти раёсат волонтёронро бо ифтихорномаҳо сарафроз карда, барномаи хотрирмони консертӣ бо иштироки беҳтарин сарояндагон ва ҳаваскорони вилоят пешкаши ҳозирин шуд.

Эзоҳи худро нависед



Рамзҳо дар расм