ҶАВОНОН
Ҷумъа 19 Апрел 2024 07:25
иқдоме, ки ба дӯстию ҳамгироии ҷавонони кишвар сабаб шуд
Таҳким бахшидани фазои дӯстӣ миёни ҷавонон, роҳандозӣ намудани чорабиниҳои маърифатию фарҳангӣ, сафар намудани онҳо аз як минтақа ба минтақаи дигари кишвар, шинос намудани онҳо аз мавзеъҳои таърихӣ ва ба ин монанд заминагузори он мегардад, ки насли ояндаи давлат фаъолияти худро дар доираи ҳамдигарфаҳмию сарҷамъӣ ва ваҳдату ягонагӣ ба роҳ монанд.
Кумитаи кор бо ҷавонон ва варзиши назди Ҳукумати ҷумҳурӣ ҳамчун ниҳоди татбиқкунандаи сиёсати давлатии ҷавонон дар заминаи сиёсати ҷавонпарваронаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон баҳри беҳбуд бахшидан ба ҳаёту фаъолияти насли ояндасоз ҳамеша роҳу тадбирҳои судмандро роҳандозӣ менамояд. Ҳамасола дар ин самт Кумита нақшаи чорабиниҳоро таҳия ва амалӣ мегардонад. Лоиҳаҳои гуногунро баҳри дӯстию ҳамгироии ҷавонон пешбарӣ намуда, дар сарҷамъии онҳо ҳамеша саҳмгузор аст.
Яке аз чунин иқдомҳои наҷиб ва бесобиқа лоиҳаи “Дар меҳмонии ректор” мебошад, ки дар “Соли ҷавонон” аз ҷониби Кумитаи кор бо ҷавонон ва варзиш дар якҷоягӣ бо Вазорати маориф ва илми кишвар роҳандозӣ гардид. Лоиҳаи “Дар меҳмонии ректор”-ро Кумита ҷиҳати татбиқи босамари сиёсати давлатии ҷавонон, баланд бардоштани маърифати зеҳниву хештаншиносии онҳо ва ба вуҷуд овардани ҳисси милливу баҳамоии ин қишри ҷомеа, дар доираи консепсия оид ба баргузории чорабинӣ миёни донишҷӯёни муассисаҳои таҳсилоти олии касбӣ таҳия ва ба роҳ монд.
Ин лоиҳа давра ба давра дастгирӣ ёфта, дар доираи чорабиниҳои он донишҷӯён меҳмони ректорони Донишгоҳи давлатии ҳуқуқ, бизнес ва сиёсати Тоҷикистон, Донишгоҳи славянии Русия ва Тоҷикистон, Академияи Вазорати корҳои дохилӣ, Донишгоҳи давлатии Кӯлоб ба номи А. Рӯдакӣ, Донишгоҳи давлатии тиббии Тоҷикистон ба номи А. Сино ва Донишкадаи иқтисод ва савдои Донишгоҳи давлатии тиҷорати Тоҷикистон шуданд. Чорабиниҳои лоиҳаи “Дар меҳмонии ректор” дар сатҳи зарурӣ бо иштироки 900 нафар донишҷӯён ва мудирони шуъбаҳои кор бо ҷавонон аз тамоми муассисаҳои таҳсилоти олии касбии кишвар доир гардид.
Дар доираи лоиҳа ва барномаҳои пешбинигардидаи “Дар меҳмонии ректор” як қатор чорабиниҳо дар сатҳи баланд, аз қабили форуму конференсияҳо вобаста ба санаҳои таърихӣ ва рушди ҷомеа, намоиши илмию инноватсионӣ, баргузории чорабиниҳои фарҳангӣ таҳти унвони “Шоми ҷавонӣ”, чорабиниҳои илмию адабӣ, маърифатию ахлоқӣ ва сайру саёҳати чойҳои таърихию сайёҳии кишвар ташкил ва баргузор карда шуданд, ки баҳри рушди касбият ва ҷаҳонбинии донишҷӯён заминаи мусоид фароҳам овард.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода зимни баргузории яке аз чорабиниҳои лоиҳаи мазкур иброз дошта буд: “Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон баланд бардоштани дараҷаи донишу малака ва истеъдоду касбияти ҷавононро яке аз вазифаҳои муҳимтарин ва афзалиятноки сиёсати давлатии ҷавонон шуморида, ҳамеша тақозо менамоянд, ки ҷавонони донишҷӯи мо бояд аз ҳар ҷиҳат намунаи кору фаъолият ва зиндагии ҳамсолони хеш бошанд. Чорабинии “Дар меҳмонии ректор” низ маҳз бо мақсади наздиктар кунонидани ҳамкориҳои илмию таълимии муҳассилини макотиби олӣ, мустаҳкам намудани риштаҳои дӯстӣ байни ҷавонони минтақаҳои гуногун ва омӯзиши таҷрибаи якдигар дар бахшҳои гуногуни таълими касбӣ роҳандозӣ гаштааст. Бо боварӣ метавон гуфт, ки амалӣ намудани лоиҳа, пеш аз ҳама, ба дарёфти истеъдодҳои нави ҷавон, ҷалб намудани ҷавонон ба корҳои ҷамъиятӣ, тарбияи ҷавонон дар руҳияи ватанпарастӣ, дарёфт ва дастгирии ҷавонони болаёқату боистеъдод, ташаккули ҳисси худшиносии миллӣ ва худогоҳии маънавӣ, тарбияи ватанпарастӣ мусоидат хоҳад кард”. Ҳамчунин вобаста ба лоиҳаи “Дар меҳмонии ректор” муовини аввали вазири маориф ва илми ҷумҳурӣ Раҳматулло Мирбобоев қайд намуда буд: “Чорабинии “Дар меҳмонии ректор”, ки минбаъд байни 39 муассисаи таҳсилоти олии касбии ватанамон ҳукми анъана хоҳад гирифт, дар ҷодаи таҳкими бинои дӯстии нафақат ҷавонон, балки ҳамаи мардуми саодатманди тоҷик, баланд гардидани самараи таълиму тарбия ва дар ин замина оянда омода шудани мутахассисони ҷавобгӯи меъёрҳои ҷаҳонӣ ва боз ҳам баландтар гардидани обрӯю нуфузи кишвари маҳбубамон саҳми муносиб мегузорад”. Дар ин баробар ҳама ректорону масъулин ва донишҷӯён ин иқдомро, ки дар пайравӣ ба сиёсати Пешвои муаззами миллат таҳия шудааст, барои якдилии ҷавонони кишвар иқдоми бесобиқа арзёбӣ намудаанд.
“Дар меҳмонии ректор”, ки хос барои ҷавонон пешбарӣ шудааст, дар ҳаёту фаъолияти онҳо тағйироти куллӣ ворид сохт. Он ба ҳар ҷавони иштирокчӣ хотироти неку фаромушнопазир илқо намуд. Руҳафзо Холмадова, донишҷӯи Коллеҷи информатика ва техникаи компютерии шаҳри Душанбе яке аз иштирокчиёни лоиҳаи “Дар меҳмонии ректор” хотироти худро чунин қисса намуд: “Зимни яке аз чорабиниҳо дар доираи лоиҳаи “Дар меҳмонии ректор”, ки дар Академияи Вазорати корҳои дохилӣ дар "Соли ҷавонон " шуда гузашт, иштирок доштам. Ин лоиҳа дар ниҳоди чанде аз фаъолҷавонони кишвар, ки тӯли 2 рӯз иштирокчии он буданд, тавонист ҳиси ватандӯстӣ ва хештаншиносиро зиёд намояд. Дар рафти ин меҳмонӣ, ки вохӯрии фаъолҷавонони кишвар аз донишгоҳу донишкадаҳои кишвар бо ректор доир мешавад, фикру андешаҳои ҷолиб шунида шуд. Мо дар Академияи ВКД бо генерал-майори милитсия Шарифзода Ф.Р вохӯрӣ намуда, суҳбати озод кардем”.
Чун Руҳафзо Холмадова Шарифзода Судоба, донишҷӯи Донишкадаи идоракунии давлатии назди Президенти Ҷумҳурии Тоҷикистон низ ҳамчун иштирокчӣ аз лоиҳаи “Дар меҳмонии ректор” хотироту таассуротҳои ҷолиб дорад: “Лоиҳаи "Дар меҳмонии ректор" баҳри васеъ намудани ҷаҳонбинии ҷавонони фаъол ва ҳавасмандгардонии онҳо дар руҳияи ватандӯстию хештаншиносии миллӣ мусоидат мекунад. Шахсан ҳамчун иштирокчии ин лоиҳа гуфта метавонам, ки беҳтарин лоиҳа аст. Дӯстони нав, беҳтарин лаҳзаҳои ҷавонӣ, шодию хурсандӣ, шиносоӣ бо роҳбарияти муассисаҳои олии кишвар тариқи суҳбати озод, аз натиҷаҳои лоиҳаи "Дар меҳмонии ректор" аст. Маҳз роҳандозии ин лоиҳа буд, ки ман бори аввал дар назди вазири корҳои дохилӣ ва сардори Академияи ВКД суханронӣ намуда, ибрози ақида кардам. Беҳтарин ҳиссиёт буд, суханронӣ дар назди роҳбарон ва лаҳзаҳои фаромӯшнашаванда дар ҳаёти ман мебошад,”-мегӯяд Судоба.
Таманнои Халил донишҷӯи Донишкадаи идоракунии назди Президенти Ҷумҳурии Тоҷикистон аз иштирокчиёни дигари лоиҳаи мазкур аст. Ӯ низ чун дигарон аз ин иқдом дар худ хотираҳои нек дорад. Ба андешаи ӯ меҳмонии ректор имкон дод, ки идеяҳои онҳо пешниҳод ва дастгирӣ ёбанд: – Чорабиниҳои “Дар меҳмонии ректор” фарогири мавзӯъҳои ватандӯстию хештаншиносист, ки иштирок дар онҳо ба афкори ҷавонон беасар намемонад, – мегӯяд ӯ. – Дар ин меҳмониҳо сухан бештар дар бораи ояндаи миллату давлат будани ҷавонон ва дастгириҳои ҳамвораи Пешвои ҷавонпарвари миллат меравад. Натиҷаи ҳамин меҳмониҳо буд, ки мо бештар дарк намудем, ки Пешвои миллат ба мо – ҷавонон диққати махсус медиҳад. Баргирифта аз ин моро месазад, ки пайрави асили Пешвои миллат бошем ва барои сазовор будан ба ин ғамхорию дастгириҳо дар пешрафти Ватани азизу маҳбубамон ҳамеша саҳмгузор бошем.
Лоиҳаи “Дар меҳмонии ректор” чунин фикру андешаро дар ниҳоди ҳама иштирокчиёни он ҷой дода, ҳисси ватандӯстию хештаншиносӣ, эҳтироми арзишҳои миллӣ ва тафаккури бунёдкорию созандагии онҳоро равнақ додааст. Дар назар аст, ки лоиҳаи мазкур давоми солҳои 2017 – 2021 аз ҷониби 39 муассисаи таҳсилоти олии касбӣ бо иштироки беш аз 10000 нафар донишҷӯён амалӣ гардида, ба ин васила дар ниҳоди дигар ҷавонон низ ин ҳиссу фаҳмишро ҷо кунад.
Таҳким бахшидани фазои дӯстӣ миёни ҷавонон, роҳандозӣ намудани чорабиниҳои маърифатию фарҳангӣ, сафар намудани онҳо аз як минтақа ба минтақаи дигари кишвар, шинос намудани онҳо аз мавзеъҳои таърихӣ ва ба ин монанд заминагузори он мегардад, ки насли ояндаи давлат фаъолияти худро дар доираи ҳамдигарфаҳмию сарҷамъӣ ва ваҳдату ягонагӣ ба роҳ монанд.
Кумитаи кор бо ҷавонон ва варзиши назди Ҳукумати ҷумҳурӣ ҳамчун ниҳоди татбиқкунандаи сиёсати давлатии ҷавонон дар заминаи сиёсати ҷавонпарваронаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон баҳри беҳбуд бахшидан ба ҳаёту фаъолияти насли ояндасоз ҳамеша роҳу тадбирҳои судмандро роҳандозӣ менамояд. Ҳамасола дар ин самт Кумита нақшаи чорабиниҳоро таҳия ва амалӣ мегардонад. Лоиҳаҳои гуногунро баҳри дӯстию ҳамгироии ҷавонон пешбарӣ намуда, дар сарҷамъии онҳо ҳамеша саҳмгузор аст.
Яке аз чунин иқдомҳои наҷиб ва бесобиқа лоиҳаи “Дар меҳмонии ректор” мебошад, ки дар “Соли ҷавонон” аз ҷониби Кумитаи кор бо ҷавонон ва варзиш дар якҷоягӣ бо Вазорати маориф ва илми кишвар роҳандозӣ гардид. Лоиҳаи “Дар меҳмонии ректор”-ро Кумита ҷиҳати татбиқи босамари сиёсати давлатии ҷавонон, баланд бардоштани маърифати зеҳниву хештаншиносии онҳо ва ба вуҷуд овардани ҳисси милливу баҳамоии ин қишри ҷомеа, дар доираи консепсия оид ба баргузории чорабинӣ миёни донишҷӯёни муассисаҳои таҳсилоти олии касбӣ таҳия ва ба роҳ монд.
Ин лоиҳа давра ба давра дастгирӣ ёфта, дар доираи чорабиниҳои он донишҷӯён меҳмони ректорони Донишгоҳи давлатии ҳуқуқ, бизнес ва сиёсати Тоҷикистон, Донишгоҳи славянии Русия ва Тоҷикистон, Академияи Вазорати корҳои дохилӣ, Донишгоҳи давлатии Кӯлоб ба номи А. Рӯдакӣ, Донишгоҳи давлатии тиббии Тоҷикистон ба номи А. Сино ва Донишкадаи иқтисод ва савдои Донишгоҳи давлатии тиҷорати Тоҷикистон шуданд. Чорабиниҳои лоиҳаи “Дар меҳмонии ректор” дар сатҳи зарурӣ бо иштироки 900 нафар донишҷӯён ва мудирони шуъбаҳои кор бо ҷавонон аз тамоми муассисаҳои таҳсилоти олии касбии кишвар доир гардид.
Дар доираи лоиҳа ва барномаҳои пешбинигардидаи “Дар меҳмонии ректор” як қатор чорабиниҳо дар сатҳи баланд, аз қабили форуму конференсияҳо вобаста ба санаҳои таърихӣ ва рушди ҷомеа, намоиши илмию инноватсионӣ, баргузории чорабиниҳои фарҳангӣ таҳти унвони “Шоми ҷавонӣ”, чорабиниҳои илмию адабӣ, маърифатию ахлоқӣ ва сайру саёҳати чойҳои таърихию сайёҳии кишвар ташкил ва баргузор карда шуданд, ки баҳри рушди касбият ва ҷаҳонбинии донишҷӯён заминаи мусоид фароҳам овард.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода зимни баргузории яке аз чорабиниҳои лоиҳаи мазкур иброз дошта буд: “Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон баланд бардоштани дараҷаи донишу малака ва истеъдоду касбияти ҷавононро яке аз вазифаҳои муҳимтарин ва афзалиятноки сиёсати давлатии ҷавонон шуморида, ҳамеша тақозо менамоянд, ки ҷавонони донишҷӯи мо бояд аз ҳар ҷиҳат намунаи кору фаъолият ва зиндагии ҳамсолони хеш бошанд. Чорабинии “Дар меҳмонии ректор” низ маҳз бо мақсади наздиктар кунонидани ҳамкориҳои илмию таълимии муҳассилини макотиби олӣ, мустаҳкам намудани риштаҳои дӯстӣ байни ҷавонони минтақаҳои гуногун ва омӯзиши таҷрибаи якдигар дар бахшҳои гуногуни таълими касбӣ роҳандозӣ гаштааст. Бо боварӣ метавон гуфт, ки амалӣ намудани лоиҳа, пеш аз ҳама, ба дарёфти истеъдодҳои нави ҷавон, ҷалб намудани ҷавонон ба корҳои ҷамъиятӣ, тарбияи ҷавонон дар руҳияи ватанпарастӣ, дарёфт ва дастгирии ҷавонони болаёқату боистеъдод, ташаккули ҳисси худшиносии миллӣ ва худогоҳии маънавӣ, тарбияи ватанпарастӣ мусоидат хоҳад кард”. Ҳамчунин вобаста ба лоиҳаи “Дар меҳмонии ректор” муовини аввали вазири маориф ва илми ҷумҳурӣ Раҳматулло Мирбобоев қайд намуда буд: “Чорабинии “Дар меҳмонии ректор”, ки минбаъд байни 39 муассисаи таҳсилоти олии касбии ватанамон ҳукми анъана хоҳад гирифт, дар ҷодаи таҳкими бинои дӯстии нафақат ҷавонон, балки ҳамаи мардуми саодатманди тоҷик, баланд гардидани самараи таълиму тарбия ва дар ин замина оянда омода шудани мутахассисони ҷавобгӯи меъёрҳои ҷаҳонӣ ва боз ҳам баландтар гардидани обрӯю нуфузи кишвари маҳбубамон саҳми муносиб мегузорад”. Дар ин баробар ҳама ректорону масъулин ва донишҷӯён ин иқдомро, ки дар пайравӣ ба сиёсати Пешвои муаззами миллат таҳия шудааст, барои якдилии ҷавонони кишвар иқдоми бесобиқа арзёбӣ намудаанд.
“Дар меҳмонии ректор”, ки хос барои ҷавонон пешбарӣ шудааст, дар ҳаёту фаъолияти онҳо тағйироти куллӣ ворид сохт. Он ба ҳар ҷавони иштирокчӣ хотироти неку фаромушнопазир илқо намуд. Руҳафзо Холмадова, донишҷӯи Коллеҷи информатика ва техникаи компютерии шаҳри Душанбе яке аз иштирокчиёни лоиҳаи “Дар меҳмонии ректор” хотироти худро чунин қисса намуд: “Зимни яке аз чорабиниҳо дар доираи лоиҳаи “Дар меҳмонии ректор”, ки дар Академияи Вазорати корҳои дохилӣ дар "Соли ҷавонон " шуда гузашт, иштирок доштам. Ин лоиҳа дар ниҳоди чанде аз фаъолҷавонони кишвар, ки тӯли 2 рӯз иштирокчии он буданд, тавонист ҳиси ватандӯстӣ ва хештаншиносиро зиёд намояд. Дар рафти ин меҳмонӣ, ки вохӯрии фаъолҷавонони кишвар аз донишгоҳу донишкадаҳои кишвар бо ректор доир мешавад, фикру андешаҳои ҷолиб шунида шуд. Мо дар Академияи ВКД бо генерал-майори милитсия Шарифзода Ф.Р вохӯрӣ намуда, суҳбати озод кардем”.
Чун Руҳафзо Холмадова Шарифзода Судоба, донишҷӯи Донишкадаи идоракунии давлатии назди Президенти Ҷумҳурии Тоҷикистон низ ҳамчун иштирокчӣ аз лоиҳаи “Дар меҳмонии ректор” хотироту таассуротҳои ҷолиб дорад: “Лоиҳаи "Дар меҳмонии ректор" баҳри васеъ намудани ҷаҳонбинии ҷавонони фаъол ва ҳавасмандгардонии онҳо дар руҳияи ватандӯстию хештаншиносии миллӣ мусоидат мекунад. Шахсан ҳамчун иштирокчии ин лоиҳа гуфта метавонам, ки беҳтарин лоиҳа аст. Дӯстони нав, беҳтарин лаҳзаҳои ҷавонӣ, шодию хурсандӣ, шиносоӣ бо роҳбарияти муассисаҳои олии кишвар тариқи суҳбати озод, аз натиҷаҳои лоиҳаи "Дар меҳмонии ректор" аст. Маҳз роҳандозии ин лоиҳа буд, ки ман бори аввал дар назди вазири корҳои дохилӣ ва сардори Академияи ВКД суханронӣ намуда, ибрози ақида кардам. Беҳтарин ҳиссиёт буд, суханронӣ дар назди роҳбарон ва лаҳзаҳои фаромӯшнашаванда дар ҳаёти ман мебошад,”-мегӯяд Судоба.
Таманнои Халил донишҷӯи Донишкадаи идоракунии назди Президенти Ҷумҳурии Тоҷикистон аз иштирокчиёни дигари лоиҳаи мазкур аст. Ӯ низ чун дигарон аз ин иқдом дар худ хотираҳои нек дорад. Ба андешаи ӯ меҳмонии ректор имкон дод, ки идеяҳои онҳо пешниҳод ва дастгирӣ ёбанд: – Чорабиниҳои “Дар меҳмонии ректор” фарогири мавзӯъҳои ватандӯстию хештаншиносист, ки иштирок дар онҳо ба афкори ҷавонон беасар намемонад, – мегӯяд ӯ. – Дар ин меҳмониҳо сухан бештар дар бораи ояндаи миллату давлат будани ҷавонон ва дастгириҳои ҳамвораи Пешвои ҷавонпарвари миллат меравад. Натиҷаи ҳамин меҳмониҳо буд, ки мо бештар дарк намудем, ки Пешвои миллат ба мо – ҷавонон диққати махсус медиҳад. Баргирифта аз ин моро месазад, ки пайрави асили Пешвои миллат бошем ва барои сазовор будан ба ин ғамхорию дастгириҳо дар пешрафти Ватани азизу маҳбубамон ҳамеша саҳмгузор бошем.
Лоиҳаи “Дар меҳмонии ректор” чунин фикру андешаро дар ниҳоди ҳама иштирокчиёни он ҷой дода, ҳисси ватандӯстию хештаншиносӣ, эҳтироми арзишҳои миллӣ ва тафаккури бунёдкорию созандагии онҳоро равнақ додааст. Дар назар аст, ки лоиҳаи мазкур давоми солҳои 2017 – 2021 аз ҷониби 39 муассисаи таҳсилоти олии касбӣ бо иштироки беш аз 10000 нафар донишҷӯён амалӣ гардида, ба ин васила дар ниҳоди дигар ҷавонон низ ин ҳиссу фаҳмишро ҷо кунад.
Хабарҳои дигар
Рӯзнома
Эзоҳи худро нависед