ҶАВОНОН
Шанбе 25 Май 2024 04:18
8750
4-уми май дар шаҳри Бӯстон бахшида ба оғози моҳвораи ҷавонон ва истиқболи сазовори Рӯзи ҷавонони Тоҷикистон роҳпаймоии идона аз тарафи ҷавонону варзишгарон ва сокинони касбу кори гуногун доир гардид.

Дар роҳпаймоӣ беш аз 2000 нафар ҷавонон, хизматчиёни давлатӣ, варзишгарон, донишҷӯёни Донишкадаи кӯҳию металлургии Тоҷикистон, шуъбаи таълимии Коллеҷи тарбияи ҷисмонӣ, хонандагони муассисаҳои таълимии шаҳр ва сарбозону афсарони қисмҳои низомӣ фаъолона ширкат карданд.

Ҷавонон бо шиорҳои "Пешвои мо - ифтихори мо", "Ҷавонон пайрави Пешвои миллат", "Ҷовидон бод, ҷавонӣ ва ҷавонон" аз назди маркази савдои "Муҳайё" то боғи фарҳангу фароғатии шаҳр ба номи С. Айнӣ роҳпаймоии идона намуда, сипас дар амфитеатри боғи мазкур барномаи рангини фарҳангӣ-фароғатии шоми ҷавонӣ доир гардид.

Эзоҳи худро нависед



Рамзҳо дар расм