Бо мақсади тарбияи наврасону ҷавонон дар рӯҳияи ватандӯстию ватанпарастӣ, пос доштани арзишҳои миллӣ ва тақвияти таълим дар назди Раёсати кор бо ҷавонон ва варзиши ВМКБ Шӯрои хонандагон таъсис ёфт.

Дар ин бора сардори раёсат Сураҷ Чоршанбиев хабар дода гуфт, ки аз ҳар як МТМУ – и шаҳри Хоруғ ба шӯро ду нафарӣ аъзо шуда, аз ҳисоби ҷавонони фаъоли вилоят 28 нафар шомили он гаштанд.

Шӯро ҳамзамон ба роҳандозии самараноки барномаҳои маърифатӣ –интелектуалӣ тариқи принсипи ҳамсол ба ҳамсол, ҷоннок кардани чорабиниҳои гуногуни сиёсӣ – иҷтимоӣ мусоидат мекунад.