Нимаи дуюми рӯзи 18 апрел, дар идораи рӯзномаи “Ҷавонони Тоҷикистон” дарси дуввуми волонтёрони назди рӯзнома доир шуд.

Дар ин дарс муҳарири шуъбаи сиёсат ва итилооти рӯзнома Хуршед Мавлонов бо волонтёрон дар мавзӯи “Ҳадаф- мақсад” суҳбат намуда, оиди  ҳадаф гузоштан ва роҳҳои расидан ба онро ба иштирокчиён фаҳмонид.

Гуфта шуд, ки ҳадаф бояд ба мардум, наздикон ва худатон фоидаовар бошад. Агар ҳадафи шумо ба касе нохушӣ орад, зиндагии касеро вайрон кунад, оромии худ ё наздиконатонро барбод диҳад, беҳтараш аз баҳри он гузаред. Зеро он ҳадаф нест, чун ҳадаф бояд дӯстию созиш орад. Ҳадаферо интихоб намоед, ки аз барои он зистан арзанда бошад. 

Бояд ёдовар шуд, ки мақсад аз волонтёр қабул кардан дар назди рӯзнома дастгирӣ ва омода намудани журналистони ҷавон мебошад.