Дар доираи нақшаи чорабиниҳо бахшида ба “Соли ҷавонон” дар қисми низомии 0409-и Қушунҳои сарҳадии КДАМ дар ноҳияи Дарвоз ва дибонгоҳҳои тобеи он байни 300 нафар сарбоз мусобиқаҳои варзишӣ баргузор гардид.

Расулҷон Шокиров, мудири Бахши кор бо ҷавонон ва варзиш иттилоъ дод, ки ҳадаф аз доир намудани чорабиниҳои варзишӣ таҳкими дӯстиву рафоқат миёни сарбозон, баланд бардоштани ҳисси ватандӯстӣ, солимгардонии ҳайати шахсии қисмҳои ҳарбӣ ва ҷузъу томҳои низомии кишвар мебошад.

Мусобиқаҳо аз рӯи волейбол, футбол, дастхобонӣ, вазнбардорӣ, давидан ба масофаи 100 метр бо ибтикори бахши мазкур ташкил гардида, дар онҳо сарбозон натиҷаҳои хубро нишон доданд.

Машҳур ИМОМНАЗАРОВ, “ҶТ”