Чорабинии идона ба ифтихори ҷашни Наврӯз дар ноҳияи Дарвоз 600 нафарро ба ҳам овард.

Дар ин бора Талабшо Аламов, мудири Бахши кор бо ҷавонон ва варзиши ноҳия хабар дода гуфт, ки ҷамъомад дар маркази ноҳия, ҷамоати Қалъаи Хум бо ибтикори бахшу мақомоти иҷроияи маҳаллии ҳокимияти давлатии ноҳия доир шуда, дар он асосан ҷавонону наврасон намунаи дастоварду ҳунарҳои мардумӣ, аз қабили либоси миллӣ, гулдӯзиву мӯҳрабофӣ ва суманакпазиро ба маърази намоиш гузоштанд.
Ҳамчунин, аз ҷониби ҷавонон барномаи фарҳангӣ бо рақсу суруд ва намоиши бозиҳои гуногун пешкаши иштирокчиён гардонида шуд.
Бояд қайд кард, ки чунин чорабиниҳо дар дигар ҷамоатҳои ноҳия то иди Наврӯз идома меёбанд.