Тибқи нақшаи чорабиниҳо бахшида ба “Соли ҷавонон” дар ноҳияи Дарвоз озмуни “Беҳтарин оилаи ҷавон” доир гардид.

Дар он як оилаи ҷавон аз Ҷамоати деҳоти Сағирдашт беҳтарин оилаи ноҳия дониста шуда, ба озмуни вилоятӣ роҳхат гирифт.

Ба иттилои Расулҷон Шокиров, мудири Бахши кор бо ҷавонон ва варзиши ноҳия, озмун аз 9 бахш иборат буда, дар он оилаҳои ҷавон аз ҳамаи ҷамоатҳои деҳот ширкат варзиданд.
Мувофиқи натиҷаи охир оилаи Санговҳо аз Ҷамоати деҳоти Сағирдашт бо гирифтани 45 хол соҳиби ҷои аввал гардида, ба озмуни вилоятӣ, ки чанде баъд дар шаҳри Хоруғи ВМКБ доир мешавад, роҳхат гирифт.

Ҳамчунин, як ҷуфти оилаи ҷавон аз Ҷамоати Ришхарв зинаи дуюм ва як оила аз Ҷамоати Қалъаи Хумб ҷои сеюмро ишғол намуданд.
Ба оилаҳои ҷавон аз ҷониби Бахш ва мақомоти иҷроияи маҳаллии ҳокимияти давлатии ноҳия мукофоти хотиравӣ тақдим гардид.