Бонувони ҷамоати Маҳмадулло Абдуллоеви ноҳия Ванҷ дар Рӯзи Модар ва ба ифтихори "Солҳои рушди деҳот, сайёҳӣ ва хунарҳои мардумӣ" молу маҳсулот ва таомҳои миллиро ба маърази намоиш гузоштанд.

Бино ба иттилои Муштарӣ Ёрова, сармутахассиси Бахши кор бо ҷавонон ва варзиши ноҳия, бонувон асосан маснуоти пашмӣ, аз қабили ҷӯроб, камзулачаҳои пашмин, шероза, руймолчаҳои гуногунгранг, тоқию ғизоҳои оши бурида, палав, ширкаду, пиёла, қуруртоб, ширбиринҷ, қавлот ва ғайраро дар намоишгоҳи идона пешниҳод намуданд.

Бояд қайд кард, ки ҳамчунин дар намоишгоҳи хоҷагии қишлоқ раиси ноҳия Ҷаббори Қосим ширкат дошта, дастранҷи занону ҳунарҳои мардумиро баланд арзёбӣ кард.