ҶАВОНОН
Сешанбе 23 Октябр 2018 05:30
4667
Донишкадаи давлатии санъати тасвирӣ ва дизайни Тоҷикистон ба мақсади ҷалби ҷавонон барои таҳсил дар ин донишкада фаъолияти хуби тарғиботиро ба роҳ мондааст.

Чуноне ректори донишкада Ғанизода Ҷамшед рӯзи 30 июл дар нишасти матбуотӣ ба хабарнигорон гуфт, дар ин роҳ масъулини аз тамоми имкониятҳо, аз ҷумла ВАО, рӯзномаю маҷаллаҳо ва бо роҳи баргузор кардани чорабиниҳо дар минтақаҳои гуногуни ҷумҳурӣ ва берун аз он корҳои тарғиботиро пеш мебаранд:

- Ба ин мақсад мо бо даъвати Сафорати Ҷумҳурии Тоҷикистон дар Шветсария ва дастгирии молиявии Созмони умумиҷаҳонии моликияти зеҳнӣ дар бинои СММ дар шаҳри Женева намоиши корҳои омӯзгорони донишкада, дар Осорхонаи миллӣ бо иштироки меҳмонони дохилию хориҷӣ, номоиши муди либос, дар Иди байналмилалии Наврӯз зимни баргузории намоиши бошукӯҳи Фестивали ҷавонон бо иштироки вазири фарҳанг ва дигар чорабиниҳоро гузаронидем, - изҳор дошт ректори донишкада.

Ҳамчунин зикр гардид, ки соли ҷорӣ дар донишкада як қатор тағйиротҳо ба амал омад. Аз ҷумла бо ҷалби грантҳои хориҷӣ пояи моддӣ - техникии технопаркҳо таҳким ва фаъолияташон ҷоннок гардид. Дар ҳамкорӣ бо Идораи ҳамкорӣ ва рушди Туркия (TIKA) дар технопарки донишкада бо харчи 80 ҳазор доллари ИМА синфхонаи дӯзандагӣ ва устохонаи графикаи дастгоҳ ташкил шудааст. Ба гуфтаи масъулин ин иқдом дар раванди татбиқ намудани ҳадафҳои “Соли рушди сайёҳӣ ва ҳунарҳои мардумӣ” дастоварди назаррас мебошад.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.