ҶАВОНОН
Панҷшанбе 23 Январ 2025 03:41
Оғоз гардида маросими ҷоизасупории ғолибон. Аз иштирокчиёни озмун то шахсиятҳои касбу кори гуногун гирд омадаанд ин ҷо. Ӯ низ мунтазир аст хонда шудани номашро. Донистан мехоҳад мақоми чандум соҳиб гаштанашро. Изтироб дораду ҳаяҷон. Ӯ чор сол тасаввур мекард ин лаҳзаи зеборо. Ӯ чор сол мунтазир буд ин лаҳзаро. Чор сол барои ин ҷо будан талош карда зиёд. Чор сол соатҳо нахобида, омодагӣ медид барои ғолибият. Чор сол мунтазир шуда ин орзуи ҳамакнун амалигаштаашро. Чор сол ғолибияти озмуни “Фурӯғ...” ҳадафу мақсади асосӣ буда ӯро.
Номаш хонда шуд миёни ғолибони ҷойи сеюми озмун. Шодиашро набуд он лаҳза ҳадду канор. Саҳнабудагон ӯро буданд интизор, то ба дасташ бисупоранд подоши заҳматҳо. То ба ӯ тақдим намоянд диплому ҷоиза ва маблағи номинатсияи ғолиб омадаашро. Аммо ӯ раҳораҳ пеши назар меовард талошу заҳматҳои худро. Ба хотир меовард, ки чӣ гуна пас аз чанд соли саъю талоши зиёд, пас аз шикасту ноумедӣ ва гиристану нороҳатиҳои зиёд, пас аз нобоварии бисёри нафарон, пас аз заҳматҳои шабонарӯзии модари меҳрубон, пас аз ҳифзи ғазалу дубайтӣ, рубоиву қасида, порчаҳо аз достон ва осори нависандаву шоирони классик, пас аз ин ҳама интизориҳо, билохира талошҳо натиҷа доданд ӯро. Шукр мегуфт, ки мояи ифтихор гашта волидонро.
Садои пурмавҷи кафкӯбиву таҳсин ва офаринхонии одамонро зимни баромадаш дар саҳна мешуниду меболид. Садое, ки шодиашро ду баробар карда буд он лаҳзаҳо. Чун иштирокчие буд фарқкунанда миёни ҳамагон. Ӯ духтаре буд, гарчанде биноӣ набошад ӯро, вале бо чашми дил бубинад ин ҳама зебоиҳои олами равшанро. Ӯ бо кӯшишҳои зиёд мақоми сеюми озмуни “Фурӯғи субҳи доноӣ китоб аст”-ро сазовор гашта имсол.
Ба саҳна баромад бо модари меҳрубон. Ба даст гирифт дипломро бо имзои Президенти кишвар ва маблағи 20 ҳазор сомонии онро. Ӯ хушҳол буду хушбахт он лаҳзаҳо. Аз модар миннатдор буд бешумор. Чун бо заҳмати ӯ рӯй дода ин ҳама хушиҳо.
Ӯ духтарест бо иродаи қавӣ. Чунин устуворӣ ӯро сохта яке аз ғолибони “Фурӯғ ...” дар соли равон.
Сухан атрофи Фараҳбахш Ахмедзода меравад, ки айни ҳол хонандаи синфи 9-и Муассисаи таҳсилоти миёнаи умумии №63-и шаҳри Панҷакенти вилояти Суғд мебошад.
Фараҳбахш соли чорум аст, ки дар озмуни ҷумҳуриявии “Фурӯғи субҳи доноӣ китоб аст” иштирок менамояду имсол дар қатори яке аз дурдонаҳои он қарор гирифт.
Модари Фараҳбахш дар мавриди иштироки духтараш дар озмун чунин гуфт: “Замоне, ки баромади яке аз ширкаткунандагони озмунро тариқи телевизион дидем, ӯ хеле ба шавқ омаду гуфт, ки дар ин озмун иштирок кардан мехоҳад. Ман ба хостаи ӯ зид набаромадаму худам барои озмун омодааш кардам. Ӯ бисёр мехост, ки ғолиби шоҳҷоизаи озмун гардад. Мо то соатҳои 2-3-и шаб тайёрӣ медидем. Ман мехондаму ӯ аз бар мекард. Ҳарчанд баъди шикастҳо хеле руҳафтода ва хаста мешуд, вале ҳамоно барои расидан ба ҳадафи худ талош мекард. Имсол мо бо тайёрии бештар ба озмун ҳозир шудем ва шукр, ки ба орзуи худ расидему Фараҳбахш тавонист, ки ғолиби ҷойи сеюм шавад”.
Ӯ, ки аз рӯи номинатсияи адабиёти классикӣ баромад намуд, доир ба алоқааш ба шоирону нависандагони классик чунин гуфт: “Модарам мехостанд, ки дар номинатсияи дигар иштирок кунам, вале ман нахостам, ки онро иваз кунам, чун дӯстдори ашъори шоирони классик ҳастам. Ман чор сол аз ҳамин номинатсия баромад кардам. Ғазалҳои Ҳофизу Румӣ ва Рӯдакиро бештар меписандам. Барои озмун 16 асари насрӣ, 100 ғазал, 135 рубоиву дубайтӣ, 280 байту достон, 180 байт қасида ва 180 байт аз дигар навъҳои шеъриро аз худ кардам”.
- Миннатдории худро ба Президенти кишвар муҳтарам Эмомалӣ Раҳмон мерасонам, ки барои ҷалби насли ҷавони кишвар чунин озмунҳоро ташкил кардаанд. Духтарам вақти зиёди худро ба хондани китоб мегузаронад ва дониши худро сайқал медиҳад, ки бешак дар тақвияти донишаш заминаи хуб хоҳад буд, таъкид дошт модараш Гулноз Ҳақдодова. - Доварони озмун аз кори худ ба хубӣ огаҳ буда, ба назари ман ба ҳамаи иштирокчиён аз рӯи адолату ҳақиқат баҳогузорӣ менамоянд. Ин ҷо аз фурсати муносиб истифода бурда, ба доварон ташаккур гуфтаниам, чун аз духтари ман ба хубӣ истиқбол карданду ӯро хеле руҳбаланд сохтанд. Ӯ аввал каме тарсида, худро каме гум кард, вале суханони хуби доварон тарсу ҳаросашро аз байн бурда, бовариашро ба худ бештар сохтанд”.
Фараҳбахш иброз медорад, ки вақте дар даврҳои “Фурӯғ...” ҷой намегирифту хеле нороҳат мешуд, волидон ҳамеша ӯро ба муваффақият дар соли оянда дилгарм месохтанд.
- Аз волидонам, махсусан модару бародари азизам миннатдорам, ки дар ин муддат маро танҳо нагузоштанду барои ғолибиятам талош карданд, - зикр дошт ӯ.
Қаҳрамони мо қасд дорад, ки бо гузашти се сол бори дигар дар ин озмун ширкат намояду шоҳҷоизаи онро ба даст оварад. Ӯ айни замон барои озмуни “Шоҳномахонӣ”, ки соли оянда баргузор мешавад, тайёрӣ дида истодааст.
- Айни ҳол “Шоҳнома”-и Абулқосим Фирдавсиро аз худ карда истодаам ва мехоҳам, ки баробари ғолибият дар озмуни “Фурӯғ...” дар ин сабқат низ пирӯзӣ ба даст орам, - гуфт Фараҳбахш дар идомаи суҳбат.
Ӯ дар оянда таҳсилро дар риштаи рӯзноманигорӣ идома додан мехоҳад. Тавре ки худи ӯ мегӯяд: “Назар ба дигар касбҳо рӯзноманигориро хеле дӯст медораму бароям шавқовар аст. Нақша дорам, ки пас аз хатми мактаб дар риштаи мазкур идомаи таҳсил намоям”.
Қаҳрамони мо муддатест дар дил орзуи бузургеро мепарвараду бисёр мехоҳад, ки он рӯзе амалӣ шавад. Орзу мекунад, ки рӯзе ба дидори Пешвои миллат муҳтарам Эмомалӣ Раҳмон мушарраф гардида, ҷиҳати ин ҳама дастгириву ғамхориҳо ва тинҷиву амонии кишвар миннатдорӣ баён намояд.
- Мехоҳам рӯзе фаро расаду бо Пешвои миллат суҳбат кунам. Нахуст ба он кас миннатдорӣ изҳор намоям ва баъдан як хоҳише доштам, ки танҳо аз дасти эшон бармеояд. Пешвои миллат доимо аз дасти ниёзмандон мегиранд ва орзуҳои бисёриҳоро ҷомаи амал пӯшонидаанд, - гуфт ӯ.
- Фараҳбахш бисёр мехоҳад, ки дунёро бо чашмони бино бубинад, - мегӯяд модараш Гулноз Ҳақдодова. – Ва ин орзу танҳо ба василаи Пешвои миллат, муҳтарам Эмомалӣ Раҳмон амалӣ гашта метавонад. Чун мо чунин имконро надорем. Замоне, ки шунид дар хориҷа имкони табобат шудани чашмонаш вуҷуд дорад, аз он лаҳза орому қарор надорад. Фараҳбахш мегӯяд, агар рӯзе имкон даст диҳаду ӯ бо Президенти кишвар вохӯрад, ҳатман хоҳиш мекунад, ки ӯро барои табобат ба хориҷа фиристанд. Ӯ бовар дорад, ки Ҷаноби Олӣ хоҳиши ӯро рад нахоҳанд кард”.
Гулафшон КАРИМОВА, “ҶТ”
Номаш хонда шуд миёни ғолибони ҷойи сеюми озмун. Шодиашро набуд он лаҳза ҳадду канор. Саҳнабудагон ӯро буданд интизор, то ба дасташ бисупоранд подоши заҳматҳо. То ба ӯ тақдим намоянд диплому ҷоиза ва маблағи номинатсияи ғолиб омадаашро. Аммо ӯ раҳораҳ пеши назар меовард талошу заҳматҳои худро. Ба хотир меовард, ки чӣ гуна пас аз чанд соли саъю талоши зиёд, пас аз шикасту ноумедӣ ва гиристану нороҳатиҳои зиёд, пас аз нобоварии бисёри нафарон, пас аз заҳматҳои шабонарӯзии модари меҳрубон, пас аз ҳифзи ғазалу дубайтӣ, рубоиву қасида, порчаҳо аз достон ва осори нависандаву шоирони классик, пас аз ин ҳама интизориҳо, билохира талошҳо натиҷа доданд ӯро. Шукр мегуфт, ки мояи ифтихор гашта волидонро.
Садои пурмавҷи кафкӯбиву таҳсин ва офаринхонии одамонро зимни баромадаш дар саҳна мешуниду меболид. Садое, ки шодиашро ду баробар карда буд он лаҳзаҳо. Чун иштирокчие буд фарқкунанда миёни ҳамагон. Ӯ духтаре буд, гарчанде биноӣ набошад ӯро, вале бо чашми дил бубинад ин ҳама зебоиҳои олами равшанро. Ӯ бо кӯшишҳои зиёд мақоми сеюми озмуни “Фурӯғи субҳи доноӣ китоб аст”-ро сазовор гашта имсол.
Ба саҳна баромад бо модари меҳрубон. Ба даст гирифт дипломро бо имзои Президенти кишвар ва маблағи 20 ҳазор сомонии онро. Ӯ хушҳол буду хушбахт он лаҳзаҳо. Аз модар миннатдор буд бешумор. Чун бо заҳмати ӯ рӯй дода ин ҳама хушиҳо.
Ӯ духтарест бо иродаи қавӣ. Чунин устуворӣ ӯро сохта яке аз ғолибони “Фурӯғ ...” дар соли равон.
Сухан атрофи Фараҳбахш Ахмедзода меравад, ки айни ҳол хонандаи синфи 9-и Муассисаи таҳсилоти миёнаи умумии №63-и шаҳри Панҷакенти вилояти Суғд мебошад.
Фараҳбахш соли чорум аст, ки дар озмуни ҷумҳуриявии “Фурӯғи субҳи доноӣ китоб аст” иштирок менамояду имсол дар қатори яке аз дурдонаҳои он қарор гирифт.
Модари Фараҳбахш дар мавриди иштироки духтараш дар озмун чунин гуфт: “Замоне, ки баромади яке аз ширкаткунандагони озмунро тариқи телевизион дидем, ӯ хеле ба шавқ омаду гуфт, ки дар ин озмун иштирок кардан мехоҳад. Ман ба хостаи ӯ зид набаромадаму худам барои озмун омодааш кардам. Ӯ бисёр мехост, ки ғолиби шоҳҷоизаи озмун гардад. Мо то соатҳои 2-3-и шаб тайёрӣ медидем. Ман мехондаму ӯ аз бар мекард. Ҳарчанд баъди шикастҳо хеле руҳафтода ва хаста мешуд, вале ҳамоно барои расидан ба ҳадафи худ талош мекард. Имсол мо бо тайёрии бештар ба озмун ҳозир шудем ва шукр, ки ба орзуи худ расидему Фараҳбахш тавонист, ки ғолиби ҷойи сеюм шавад”.
Ӯ, ки аз рӯи номинатсияи адабиёти классикӣ баромад намуд, доир ба алоқааш ба шоирону нависандагони классик чунин гуфт: “Модарам мехостанд, ки дар номинатсияи дигар иштирок кунам, вале ман нахостам, ки онро иваз кунам, чун дӯстдори ашъори шоирони классик ҳастам. Ман чор сол аз ҳамин номинатсия баромад кардам. Ғазалҳои Ҳофизу Румӣ ва Рӯдакиро бештар меписандам. Барои озмун 16 асари насрӣ, 100 ғазал, 135 рубоиву дубайтӣ, 280 байту достон, 180 байт қасида ва 180 байт аз дигар навъҳои шеъриро аз худ кардам”.
- Миннатдории худро ба Президенти кишвар муҳтарам Эмомалӣ Раҳмон мерасонам, ки барои ҷалби насли ҷавони кишвар чунин озмунҳоро ташкил кардаанд. Духтарам вақти зиёди худро ба хондани китоб мегузаронад ва дониши худро сайқал медиҳад, ки бешак дар тақвияти донишаш заминаи хуб хоҳад буд, таъкид дошт модараш Гулноз Ҳақдодова. - Доварони озмун аз кори худ ба хубӣ огаҳ буда, ба назари ман ба ҳамаи иштирокчиён аз рӯи адолату ҳақиқат баҳогузорӣ менамоянд. Ин ҷо аз фурсати муносиб истифода бурда, ба доварон ташаккур гуфтаниам, чун аз духтари ман ба хубӣ истиқбол карданду ӯро хеле руҳбаланд сохтанд. Ӯ аввал каме тарсида, худро каме гум кард, вале суханони хуби доварон тарсу ҳаросашро аз байн бурда, бовариашро ба худ бештар сохтанд”.
Фараҳбахш иброз медорад, ки вақте дар даврҳои “Фурӯғ...” ҷой намегирифту хеле нороҳат мешуд, волидон ҳамеша ӯро ба муваффақият дар соли оянда дилгарм месохтанд.
- Аз волидонам, махсусан модару бародари азизам миннатдорам, ки дар ин муддат маро танҳо нагузоштанду барои ғолибиятам талош карданд, - зикр дошт ӯ.
Қаҳрамони мо қасд дорад, ки бо гузашти се сол бори дигар дар ин озмун ширкат намояду шоҳҷоизаи онро ба даст оварад. Ӯ айни замон барои озмуни “Шоҳномахонӣ”, ки соли оянда баргузор мешавад, тайёрӣ дида истодааст.
- Айни ҳол “Шоҳнома”-и Абулқосим Фирдавсиро аз худ карда истодаам ва мехоҳам, ки баробари ғолибият дар озмуни “Фурӯғ...” дар ин сабқат низ пирӯзӣ ба даст орам, - гуфт Фараҳбахш дар идомаи суҳбат.
Ӯ дар оянда таҳсилро дар риштаи рӯзноманигорӣ идома додан мехоҳад. Тавре ки худи ӯ мегӯяд: “Назар ба дигар касбҳо рӯзноманигориро хеле дӯст медораму бароям шавқовар аст. Нақша дорам, ки пас аз хатми мактаб дар риштаи мазкур идомаи таҳсил намоям”.
Қаҳрамони мо муддатест дар дил орзуи бузургеро мепарвараду бисёр мехоҳад, ки он рӯзе амалӣ шавад. Орзу мекунад, ки рӯзе ба дидори Пешвои миллат муҳтарам Эмомалӣ Раҳмон мушарраф гардида, ҷиҳати ин ҳама дастгириву ғамхориҳо ва тинҷиву амонии кишвар миннатдорӣ баён намояд.
- Мехоҳам рӯзе фаро расаду бо Пешвои миллат суҳбат кунам. Нахуст ба он кас миннатдорӣ изҳор намоям ва баъдан як хоҳише доштам, ки танҳо аз дасти эшон бармеояд. Пешвои миллат доимо аз дасти ниёзмандон мегиранд ва орзуҳои бисёриҳоро ҷомаи амал пӯшонидаанд, - гуфт ӯ.
- Фараҳбахш бисёр мехоҳад, ки дунёро бо чашмони бино бубинад, - мегӯяд модараш Гулноз Ҳақдодова. – Ва ин орзу танҳо ба василаи Пешвои миллат, муҳтарам Эмомалӣ Раҳмон амалӣ гашта метавонад. Чун мо чунин имконро надорем. Замоне, ки шунид дар хориҷа имкони табобат шудани чашмонаш вуҷуд дорад, аз он лаҳза орому қарор надорад. Фараҳбахш мегӯяд, агар рӯзе имкон даст диҳаду ӯ бо Президенти кишвар вохӯрад, ҳатман хоҳиш мекунад, ки ӯро барои табобат ба хориҷа фиристанд. Ӯ бовар дорад, ки Ҷаноби Олӣ хоҳиши ӯро рад нахоҳанд кард”.
Гулафшон КАРИМОВА, “ҶТ”
Хабарҳои дигар
Рӯзнома
Эзоҳи худро нависед