ҶАВОНОН
Шанбе 27 Июл 2024 04:47
Ё мушоҳидаҳо аз қисми низомии 15018
Ба касе пӯшида нест, ки Қувваҳои Мусаллаҳи кишвар баъди Истиқлолияти давлатӣ таъсис ёфт ва дар ин ниҳоди қудратӣ корро аз сифр оғоз карданд. Дар самти таъмини амнияти сиёсии кишвар ин мақомот чун дигар сохторҳои қудратӣ нақши созгореро бозидааст. Бояд иқрор шуд, ки дар давраҳои аввали таъсисёбӣ он бо мушкилоти зиёде мувоҷеҳ буд. Таҳкурсии моддӣ-техникӣ умуман вуҷуд надошт. Норасоии мутахассисони касбӣ дар ҳама ҷанбаҳо ҳис мешуду аз лиҳози молиявӣ танқисии шадид мекашид. Ба ин ҳама нигоҳ накарда диловарони шуҷои Ватан тавонистанд, ки роҳи пурпечутоберо тай намуда, ҳама мушкилотро паси сар кунанд ва вазъи амниятии кишварро дар ҳамкорӣ бо дигар сохторҳо ба таври бояду шояд муътадил созанд. Дар ин давра баҳри сайқал додани омодагии ҷангии ҷузъу томҳо, баланд бардоштани маҳорату малакаи касбӣ, риояи қонуният ва интизоми ҳарбӣ, ҳамзамон, такмили донишу маҳорати ҳуқуқии афсарону хизматчиёни ҳарбӣ чораҳои зарурӣ андешида шуд.
Инак, аз таъсисёбии ин ниҳоди пурнуфуз 25 сол пур мешавад. Дар ин радиф мо хостем аз қисми низомии 15018 дидан намуда, баҳри огаҳии бештар аз қисмҳои низомӣ бо сарбозону афсарон ва роҳбарияти ин муассисаи ҳарбӣ суҳбате дошта бошем.
Аз шиносоӣ бо қисми низомии 15018-и Вазорати Мудофиаи Ҷумҳурии Тоҷикистон бароямон аён гардид, ки дар ин ҷо низоми ҳарбӣ ба таври зарурӣ ба роҳ монда шудааст. Подполковник Холиқзода Амирҷон Қодир командири ин қисми низомӣ буда, ба ҷавонии худ нигоҳ накарда, дар давраи фаъолияти начандон тӯлонии худ таҷрибаи калони роҳбариро касб намудааст. Пеш аз ҳама, ҳамчун командири қисми ҳарбӣ якҷоя бо ҳайати фармондеҳии қисм кӯшиш ба харҷ медиҳанд, ки хизматчиён талаботи оинномавиро риоя намоянд. Риояи талабот, қабл аз ҳама, ба мустаҳкам гаштани интизом, иҷрои вазифаҳои дар пешистода мусоидат мекунад. Гузашта аз ин, мустаҳкам намудани руҳияи низомии афсарону сарбозон, ҳифзи арзишҳои ватандорӣ, эҳтироми муқаддасоти миллӣ дар меҳвари асосии корҳои тарбиявӣ ва принсипи асосии кормандони ин ниҳод қарор гирифтааст.
Ҳангоми суҳбат бо чанд тан аз сарбозон ба мо аён гардид, ки раванди адои хизмати ҳарбӣ бидуни душворӣ ҷараён гирифта, сарбозон бо камоли хушнудӣ хизмати Модар-Ватанро паси сар менамоянд. Чӣ гунае ки яке аз сарбозон мегӯяд:
- Ҳангоми таҳсил аз забони бисёре аз калонсолон шунида будам, ки хизмати ҳарбӣ макони зарбу лат ва шаллоқхӯрист, аммо бар хилофи ин, дар давоми як соли хизмат ин гуна амалҳоро мушоҳида накардаам. Ба андешаи ман қисми низомӣ мактаби тарбия, ҷасорату мардонагӣ ва дӯстию рафоқат аст. Ҳар нафаре, ки ин мактабро пушти сар мекунад, дар оянда инсони баркамол хоҳад шуд.
Ҳангоми шиносоӣ аз майдону толорҳои варзишӣ, ҳуҷраҳои хоб, ошхона, ҳуҷраи дидорбинӣ ва дигар иншооти хизматрасонии қисми низомӣ ба мо маълум гардид, ки қариб тамоми иншооти ин муассисаи ҳарбӣ ба таври хушсохту замонавӣ бино шуда, мавриди баҳрабардорӣ қарор гирифтаанд ва шароити хизматрасонӣ ба афсарону сарбозон дар сатҳи олист. Шароити будубош, машғулиятҳои тактикӣ ва амалии хизматчиёни ҳарбӣ ҷавобгӯи талаботи низоми ҳарбӣ мебошад. Чуноне Холиқзода Амирҷон Қодир, командири ин қисми низомӣ мегӯяд:
- Шароити имрӯза на танҳо дар қисми низомии мо балки дар тамоми қисму воҳидҳои низомии Қувваҳои Мусаллаҳи кишвар дар сатҳи баланд аст. Доир намудани суҳбату вохӯриҳо бо собиқадорони ҷангу меҳнат ва кормандони илму фарҳанг дар тарбияи ватандӯстии ҷавонон саҳми муносиб мегузорад. Мо низ дар қисми низомӣ бо собиқадорон ва афсарону сарбозоне, ки дар даврони Иттиҳоди Шӯравӣ дар сафҳои Қувваҳои Мусаллаҳ адои хизмат намудаанд, пайваста вохӯриҳо анҷом медиҳем. Вақте онҳоро бо шарту шароити буду боши афсарону сарбозон ошно месозем, аксаран ба чунин хулоса меоянд, ки айни ҳол хизмат дар сафи Қувваҳои Мусаллаҳ нисбат ба даврони Иттиҳоди Шӯравӣ бе ниҳоят хуб аст. Ҳукумати мамлакат баҳри мустаҳкам намудани қобилияти мудофиавии кишвар, баланд бардоштани сатҳи омодагии ҳарбӣ ва беҳтар гардонидани шароити моддӣ-техникӣ ва вазъи иҷтимоии хизматчиёни ҳарбӣ пайваста ғамхорӣ менамояд.
Дар умум метавон гуфт, ки имрӯз барои адои хизмат дар ҳама қисму воҳидҳои низомии кишвар шароит дар сатҳи баланд муҳайёст. Ин имкон медиҳад, то ҷавонони кишвар барои дифои Ватан-Модар камари ҳиммат банданд ва сарбозу сарсупурдаи ин марзу бум бошанд.
Ба касе пӯшида нест, ки Қувваҳои Мусаллаҳи кишвар баъди Истиқлолияти давлатӣ таъсис ёфт ва дар ин ниҳоди қудратӣ корро аз сифр оғоз карданд. Дар самти таъмини амнияти сиёсии кишвар ин мақомот чун дигар сохторҳои қудратӣ нақши созгореро бозидааст. Бояд иқрор шуд, ки дар давраҳои аввали таъсисёбӣ он бо мушкилоти зиёде мувоҷеҳ буд. Таҳкурсии моддӣ-техникӣ умуман вуҷуд надошт. Норасоии мутахассисони касбӣ дар ҳама ҷанбаҳо ҳис мешуду аз лиҳози молиявӣ танқисии шадид мекашид. Ба ин ҳама нигоҳ накарда диловарони шуҷои Ватан тавонистанд, ки роҳи пурпечутоберо тай намуда, ҳама мушкилотро паси сар кунанд ва вазъи амниятии кишварро дар ҳамкорӣ бо дигар сохторҳо ба таври бояду шояд муътадил созанд. Дар ин давра баҳри сайқал додани омодагии ҷангии ҷузъу томҳо, баланд бардоштани маҳорату малакаи касбӣ, риояи қонуният ва интизоми ҳарбӣ, ҳамзамон, такмили донишу маҳорати ҳуқуқии афсарону хизматчиёни ҳарбӣ чораҳои зарурӣ андешида шуд.
Инак, аз таъсисёбии ин ниҳоди пурнуфуз 25 сол пур мешавад. Дар ин радиф мо хостем аз қисми низомии 15018 дидан намуда, баҳри огаҳии бештар аз қисмҳои низомӣ бо сарбозону афсарон ва роҳбарияти ин муассисаи ҳарбӣ суҳбате дошта бошем.
Аз шиносоӣ бо қисми низомии 15018-и Вазорати Мудофиаи Ҷумҳурии Тоҷикистон бароямон аён гардид, ки дар ин ҷо низоми ҳарбӣ ба таври зарурӣ ба роҳ монда шудааст. Подполковник Холиқзода Амирҷон Қодир командири ин қисми низомӣ буда, ба ҷавонии худ нигоҳ накарда, дар давраи фаъолияти начандон тӯлонии худ таҷрибаи калони роҳбариро касб намудааст. Пеш аз ҳама, ҳамчун командири қисми ҳарбӣ якҷоя бо ҳайати фармондеҳии қисм кӯшиш ба харҷ медиҳанд, ки хизматчиён талаботи оинномавиро риоя намоянд. Риояи талабот, қабл аз ҳама, ба мустаҳкам гаштани интизом, иҷрои вазифаҳои дар пешистода мусоидат мекунад. Гузашта аз ин, мустаҳкам намудани руҳияи низомии афсарону сарбозон, ҳифзи арзишҳои ватандорӣ, эҳтироми муқаддасоти миллӣ дар меҳвари асосии корҳои тарбиявӣ ва принсипи асосии кормандони ин ниҳод қарор гирифтааст.
Ҳангоми суҳбат бо чанд тан аз сарбозон ба мо аён гардид, ки раванди адои хизмати ҳарбӣ бидуни душворӣ ҷараён гирифта, сарбозон бо камоли хушнудӣ хизмати Модар-Ватанро паси сар менамоянд. Чӣ гунае ки яке аз сарбозон мегӯяд:
- Ҳангоми таҳсил аз забони бисёре аз калонсолон шунида будам, ки хизмати ҳарбӣ макони зарбу лат ва шаллоқхӯрист, аммо бар хилофи ин, дар давоми як соли хизмат ин гуна амалҳоро мушоҳида накардаам. Ба андешаи ман қисми низомӣ мактаби тарбия, ҷасорату мардонагӣ ва дӯстию рафоқат аст. Ҳар нафаре, ки ин мактабро пушти сар мекунад, дар оянда инсони баркамол хоҳад шуд.
Ҳангоми шиносоӣ аз майдону толорҳои варзишӣ, ҳуҷраҳои хоб, ошхона, ҳуҷраи дидорбинӣ ва дигар иншооти хизматрасонии қисми низомӣ ба мо маълум гардид, ки қариб тамоми иншооти ин муассисаи ҳарбӣ ба таври хушсохту замонавӣ бино шуда, мавриди баҳрабардорӣ қарор гирифтаанд ва шароити хизматрасонӣ ба афсарону сарбозон дар сатҳи олист. Шароити будубош, машғулиятҳои тактикӣ ва амалии хизматчиёни ҳарбӣ ҷавобгӯи талаботи низоми ҳарбӣ мебошад. Чуноне Холиқзода Амирҷон Қодир, командири ин қисми низомӣ мегӯяд:
- Шароити имрӯза на танҳо дар қисми низомии мо балки дар тамоми қисму воҳидҳои низомии Қувваҳои Мусаллаҳи кишвар дар сатҳи баланд аст. Доир намудани суҳбату вохӯриҳо бо собиқадорони ҷангу меҳнат ва кормандони илму фарҳанг дар тарбияи ватандӯстии ҷавонон саҳми муносиб мегузорад. Мо низ дар қисми низомӣ бо собиқадорон ва афсарону сарбозоне, ки дар даврони Иттиҳоди Шӯравӣ дар сафҳои Қувваҳои Мусаллаҳ адои хизмат намудаанд, пайваста вохӯриҳо анҷом медиҳем. Вақте онҳоро бо шарту шароити буду боши афсарону сарбозон ошно месозем, аксаран ба чунин хулоса меоянд, ки айни ҳол хизмат дар сафи Қувваҳои Мусаллаҳ нисбат ба даврони Иттиҳоди Шӯравӣ бе ниҳоят хуб аст. Ҳукумати мамлакат баҳри мустаҳкам намудани қобилияти мудофиавии кишвар, баланд бардоштани сатҳи омодагии ҳарбӣ ва беҳтар гардонидани шароити моддӣ-техникӣ ва вазъи иҷтимоии хизматчиёни ҳарбӣ пайваста ғамхорӣ менамояд.
Дар умум метавон гуфт, ки имрӯз барои адои хизмат дар ҳама қисму воҳидҳои низомии кишвар шароит дар сатҳи баланд муҳайёст. Ин имкон медиҳад, то ҷавонони кишвар барои дифои Ватан-Модар камари ҳиммат банданд ва сарбозу сарсупурдаи ин марзу бум бошанд.
Хабарҳои дигар
Рӯзнома
Эзоҳи худро нависед