Озмуни ҷумҳуриявии "Донишҷӯи сол", ки ҳамасола аз тарафи Кумитаи кор бо ҷавонон ва варзиш баргузор карда мешавад, имрӯз, 20-уми декабр, ифтитоҳ ёфта, даври аввалаш сурат гирифт.

Дар даври аввали озмун 20 нафар донишҷӯён аз донишгоҳу донишкадаҳои мамлакат иштирок карда, дар мавзӯи "Тоҷикистон ватани азизи ман" иншо навиштанд.

Баргузории даври дуюми озмун, ки дар он ҳар як донишҷӯ бояд презентатсияи инфиродӣ намоиш диҳад, пагоҳ дар назар аст. Баъд аз он натиҷаи озмун, яъне донишҷӯи сол муайян карда мешавад.

Маврид ба ёдоварист, ки озмуни "Донишҷӯи сол" ҳар сол бо мақсади дастгирӣ ва ҳавасмандгардонии ҷавонон - муҳассилини макотиби олӣ ва муайян намудани донишҷӯи беҳтарин дар самти илмомӯзӣ гузаронида мешавад. Ҳадаф аз он таҳким бахшидани тарбияи маънавию ахлоқии ҷавонон мебошад.