Имрӯз дар Донишгоҳи техникии Тоҷикистон ба номи академик М.С.Осимӣ нишасти матбуотӣ баргузор гардид. 

Одиназода Ҳайдар Одина, ректори донишгоҳ зимни нишаст иброз намуд, дар донишгоҳ омода намудани кадрҳои баландихтисоси ҷавобгӯ ба бозори меҳнати ҷаҳонӣ дар се зинаи таҳсилот, яъне бакалавриат, магистратура ва доктрантура ба роҳ монда шуда, соли 2019 зинаи бакалавриати донишгоҳро аз руйи 53 ихтисос 1493 нафар бо муваффақият ба хатм намуданд.

Гуфта шуд, ки аз шумораи умумии донишҷӯёни хатмкардаи донишгоҳ дар соли 2019, 22 нафар донишгоҳро бо дипломи аъло хатм намуданд, ки онҳо 18 нафар бакалаври техника ва технология, 1 нафар мутахассиси таҳсилоти дуюми олии касбӣ ва 3 нафар магистрон мебошанд.