ҶАВОНОН
Ҷумъа 23 Август 2019 09:20
5408

Масъулини Кумитаи кор бо ҷавонон ва варзиши назди Ҳукумати ҷумҳурӣ ҷиҳати шарҳи Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо устодону донишҷӯёни Донишгоҳи техникии Тоҷикистон ба номи академик М. Осимӣ вохӯрӣ гузарониданд.

Ҳайдар Одиназода, ректори донишгоҳ, зимни ифтитоҳи вохӯрӣ меҳмононро хушомадед гуфта, аз ин иқдоми масъулини кумита изҳори хушнудӣ намуд. Ӯ дар идома иброз дошт: “Соли 2010-ро Сарвари давлат Соли маориф ва фарҳанги техникӣ эълон намуда буданд. Аз ҳамон сол инҷониб Пешвои миллат зимни ҳама вохӯрию баромадҳо ва Паёмҳои хеш аз саноатикунонии кишвар ва тайёр намудани кадрҳои баландихтисоси соҳаи техникӣ ёдовар мешаванд. Дар Паёми соли ҷорӣ Пешвои миллат муҳтарам Эмомалӣ Раҳмон  саноатикунонии кишварро ҳамчун ҳадафи чоруми стратегии мамлакат эълон намуданд ва мо масъулину муҳассилини Донишгоҳи техникии Тоҷикистонро мебояд, ки беш аз дигарон дар ин самт саҳми худро гузорем”.

Аҳтам Абдуллозода, раиси Кумитаи кор бо ҷавонон ва варзиш зимни суханронии хеш қайд намуданд, ки Паёми Пешвои муаззами миллат муҳтарам Эмомалӣ Раҳмон ба Маҷлиси Олӣ як барномаи мукаммали таҳлили соҳаҳо дар соли 2018 ва нақшаҳо барои соли 2019 ба ҳисоб рафта, хусусияти фарқкунандаи Паёми имсола дар он буд, ки қисматҳои асосии нақша ва барномасозии Ҳукумат барои як соли 2019 не, балки барои якчанд соли дар пешистода пешниҳод карда шуданд.

- Дар Паём асосан бо таҳлилҳои амиқ дастовардҳои соли 2018 мавриди ҷамъбаст қарор гирифтанд, - гуфт дар идома раиси кумита. – Қабл аз ҳама Пешвои миллат доир ба ҳам омадани ду миллати бародар ва ҳамсоя, ҷумҳуриҳои Тоҷикистон ва Ӯзбекистон ёдовар шуданд ва онро чун як дастоварди бузурги дипломатияи тоҷик дар солҳои соҳибистиқлолӣ муаррифӣ намуданд.

Баъди суханрониҳо чанд тан аз устодони ҷавон ва донишҷӯёни Донишгоҳи техникии Тоҷикистон ба номи академик М. Осимӣ бо сипосномаи Иттифоқи ҷавонони Тоҷикистон ва Кумитаи кор бо ҷавонон ва варзиш сарфароз гардонида шуданд.

Тақдими-туҳфаҳо.jpg

тақдим-2.jpg


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.