ҶАВОНОН
Ҷумъа 29 Март 2024 05:56
Мо боз ҷӯё шудем. Як устуворазмро. Як оҳаниниродаро. Як созандаамалро. Боз рафтем, пайи дарёфти чунин фарзанд. Пайи дидану гуфтан аз олами як писари Ватан.
Рафтем ба як макони тарбияткунанда. Макони омӯзонанда. Маконе, ки маром шуда он ҷо матонат. Ба Литсейи ҳарбии Вазорати мудофиаи Ҷумҳурии Тоҷикистон.
Моро истиқболгиранда буд худи роҳбар. Дар рафтор пур аз ғурури мардӣ. Дар муошират басо самимӣ. Искандар Юсуфзода роҳбари ин макони озода.
Моро роҳнамо шуданд кормандон. Чун мо мегӯем дар ин макон аз симои Дурахшон. Он Дурахшоне, ки вуҷудаш рӯшан аст аз муҳаббати меҳан. Дурахшоне, ки тобанда шуда, миёни дигар тарбиятгирандагон. Дурахшоне, ки мехоҳад шавад ахтари фурӯзони Тоҷикистон.
ГИРАНДАГОНИ ПАРЧАМИ “САЙЁР”
Литсейи ҳарбии Вазорати мудофиа таъсис ёфта соли 1999. Дар базаи мактаб-интернати махсуси ҷумҳуриявӣ. Номгузорӣ шуда ба номи нахустгенерали тоҷик Мастибек Тошмуҳаммадов.
Оғози таҳсил ин ҷо аз анҷоми синфи 9-ум аст. Ҳадафи литсей табдил додани ҷавонони синни 15-16 сола ба мардони шуҷоу боҷасорат. Ба мардони лоиқи ватан. Шартҳои шомил шудан ба он будани шаҳрванди Тоҷикистон. Хуб будани вазъи саломатӣ. Хатми бомуваффақияти муассисаи таълимӣ. Ояндадори соҳаи ҳарбӣ будан. Муҳимтар аз дигарон майл доштан ба он.
Довталабонро гузаштан аз панҷ имтиҳон меорад ба ин мактаби мардон. Натиҷаи таҳсилот дохил шудан ба муассисаҳои таҳсилоти олии ҳарбии дохил ва хориҷ. Ҳамкориҳои ин ҷо густурда аст бо шаш кишвари ҷаҳон. Шурӯъ аз Русияву Қазоқистону Ҳиндустон то Озарбойҷону Чину Ӯзбекистон.
Литсейро фароҳам аст ҷумла шароит. Таъмин аст бо хобгоҳу дармонгоҳу маҷлисгоҳ. Бо толори варзишию шаҳраки варзишӣ. Бо китобхонаю ошхона. Бо синфхонаҳои таълимию компютерӣ. Бо ҳар чи ки зарурист барои тарбия ёфтан.
Даромадгоҳи литсейро ғуруру виқор мебахшад парчами “Сайёр”. Он парчаме, ки тақдим мешавад ба беҳтаринҳо. Миёни тарбиятгоҳҳои мардонагӣ. Чанд сол аст, ки гиранда аст ба ин парчам ин литсейи ҳарбӣ. Ин даракдиҳанда метавонад бошад аз беҳтарин будани ин макон. Дар шакли таълиму тарбия.
ТИРАРӮЗҲОИ ДУРАХШОН
Дурахшон Сатторов тавлидшуда дар соли 2004. Дар яке аз шаҳрҳои бостонӣ. Дар Панҷакенти вилояти Суғд.
Ӯро кӯдакӣ пурнишот набуда. Пуршӯру шавқ низ. Ӯро ин айём лаҳзаҳои пурфараҳ набахшида. Ӯро ин айём нозандаи хонавода насохта. Ӯро ин айём бо бозидану тохтанҳои беғамона нагузашта. Ӯро ин айём сар гузоштан рӯи зонуи волидон набуда.
Ӯро кудакӣ қурбонӣ шуда. Ба ғуссаю оҳ. Ба дарди ҷонкоҳ. Ба ҷудоӣ. Ба бенавоӣ.
Падару модарро дар ҳамин айём падруд гуфта. Дигар зиста бо ёдашону бе ҳузурашон. Сарпарасташ шуда сипас бибияш. Ӯ дигар буд ягона азизу ҳамдаму ҳамрозаш.
Бо як кам бузург шудан дарк карда, ки ӯро модарест пайваста пуштибон. Модаре ҳаст ҳамеша соябон. Ёвару дастгиру нигаҳбон. Модаре ҳаст, ки бояд фарзанди арзандаи ӯ буд. Модаре ки ӯро бояд ҳифз кард. Пас, омад барои табдил ёфтан ба барӯмандфарзанди ин меҳан. Барои шомил шудан ба гурӯҳи тарбиятгирандагони литсейи ҳарбии Вазорати мудофиа.
Баъди бархӯрдор шудан аз ғамхориҳои давлату ҳукумати кишвар хостам як муҳофизу хидматгузори он бошам,- мегӯяд ӯ.
ТОБИШИ ДУРАХШОН
Ӯро акнун наврасӣ даромад ба як тартиб. Он айёме, ки дур аст аз кулли низомҳо. Пур аст аз бозиданҳою давиданҳою тохтанҳо. Андешидем шояд барояш мушкил буд ин ҳама дар ин айём. Яъне бурун шудан аз олами озоди бачагӣ ва вуруд шудан ба дунёи бонизом. Аммо ӯ инро бараъкс хонд. Барои Дурахшон писанд аст будан дар як тартибу низом.
Оғози рӯзи ӯ дигар соати 6-и субҳ аст. Садои бедоркунанда бонги ҷасорат. Анҷом медиҳад машқҳои пагоҳирӯзӣ. Баҳри будани сокине аз ҳаёти солим.
Соати 8 шурӯи машғу-лиятҳост барои Дурахшон. Ӯ меомӯзад забонҳои хориҷӣ, технологияи информатсионӣ, физикаю дигар фанҳои омӯзонандашаванда. Ҳамчу-нин ошно мегардад бо усулҳои ҳарбию тарзи истифодаи яроқҳои ҷангӣ.
Дурахшон мекӯшад дар ҳарду самт тобанда бошад.
Ӯро бештар таваҷҷӯҳ меравад сӯи машғулиятҳои ҳарбӣ. Зеро ӯро имрӯз яроқест дар даст, ки бозичаи кӯдакӣ нест. Имрӯз ӯ метавонад онро истифода бурда. Чун қаҳрамонҳои афсонаҳои хондааш. Ӯ имрӯз имкон дорад фарзанди далер бошад. Ӯ имкон дорад номгузори худ ба ояндаҳо бошад. Чун як муҳофизи вафодор.
Дурахшон ёрирасон аст барои омода сохтани дарсҳо ба дигар дӯстонаш. Чун анҷоми машғулиятҳо оғози фориғболӣ нест дигар. Онҳоро баъд аз дарсҳо интизор аст соати худомузӣ. Аз рӯи тартиби муайяншуда. Онҳо дар ин соат бояд пардозанд пайи иҷрои супоришҳои омӯзгорон.
Мутолиаро низ меписандад. Дастонашро доиман пур месозанд китобҳои маъниафзо.
Дар лаҳзаҳои фароғат атрофи ӯро пур месозанд дӯстон. Чун суҳбат бо ӯ барояшон хушоянд аст. Аз ҳарфҳои ботамкинонаи ӯ маънӣ мегиранд ба худ.
ҶИЛОИ ДУРАХШОН
Диплому ифтихорномаҳои ӯ зиёданд. Иштирокаш дар озмунҳои бурунмарзӣ низ. Соли 2021 соли оварандаи шумори бештари онҳо. Соле, ки бобарораш унвон медиҳад Дурахшон. Ӯ дар ин сол рӯшанибахш буд дар озмуни “Илм фурӯғи маърифат”. Иштирокдор буд дар озмуни истеъдодҳои ҷавон миёни тарбиятгирандагони литсейҳои ҳарбии 16 давлати аъзои ИДМ. Сазоворшуда ба мақоми аввали он.
Ӯро гирандаи Стипендияи президентӣ низ ҳаст унвон. Дар миёни ифтихорномаҳояш ҷой дорад оне, ки тақдим карда барояш вазири мудофиаи Федератсияи Русия.
Иштирокаш дар олимпиадаи фаннӣ аз забони русӣ низ бенатиҷа нест. Барояш оварда зинаи дуюмро. Ин аст, ки ифтихор шуда. Ба кулли кормандон. Ба ҷумла тарбиятгирандагони ин макон.
ФАРДОИ ДУРАХШОН
Дурахшонро қалб пур аз орзуҳост. Аммо ҳадаф ягона: будан ҳамчу қаҳрамонфарзанд барои ин Ватан.
Мо ба дунёи ӯ таҳсин хондем. Ба азму иродааш. Водорамон сохт то умед бандем ба амалишавии он ҳама нияту нақшаҳои созандааш. Умед бандем, ки фардояш тобон бошад. Шонаҳояшро ахтарони унвонҳои ҳарбӣ фурӯзон намоянд. Умед бандем, ки арзандафарзанди ин меҳан гардад. Посдорандаи номи волидон. Шодкунандаи равони онҳо.
P/S: Хонандагони азиз! Шакли видеоии маводро аз ютубканали рӯзнома – javonontv тамошо карда метавонед.
Рафтем ба як макони тарбияткунанда. Макони омӯзонанда. Маконе, ки маром шуда он ҷо матонат. Ба Литсейи ҳарбии Вазорати мудофиаи Ҷумҳурии Тоҷикистон.
Моро истиқболгиранда буд худи роҳбар. Дар рафтор пур аз ғурури мардӣ. Дар муошират басо самимӣ. Искандар Юсуфзода роҳбари ин макони озода.
Моро роҳнамо шуданд кормандон. Чун мо мегӯем дар ин макон аз симои Дурахшон. Он Дурахшоне, ки вуҷудаш рӯшан аст аз муҳаббати меҳан. Дурахшоне, ки тобанда шуда, миёни дигар тарбиятгирандагон. Дурахшоне, ки мехоҳад шавад ахтари фурӯзони Тоҷикистон.
ГИРАНДАГОНИ ПАРЧАМИ “САЙЁР”
Литсейи ҳарбии Вазорати мудофиа таъсис ёфта соли 1999. Дар базаи мактаб-интернати махсуси ҷумҳуриявӣ. Номгузорӣ шуда ба номи нахустгенерали тоҷик Мастибек Тошмуҳаммадов.
Оғози таҳсил ин ҷо аз анҷоми синфи 9-ум аст. Ҳадафи литсей табдил додани ҷавонони синни 15-16 сола ба мардони шуҷоу боҷасорат. Ба мардони лоиқи ватан. Шартҳои шомил шудан ба он будани шаҳрванди Тоҷикистон. Хуб будани вазъи саломатӣ. Хатми бомуваффақияти муассисаи таълимӣ. Ояндадори соҳаи ҳарбӣ будан. Муҳимтар аз дигарон майл доштан ба он.
Довталабонро гузаштан аз панҷ имтиҳон меорад ба ин мактаби мардон. Натиҷаи таҳсилот дохил шудан ба муассисаҳои таҳсилоти олии ҳарбии дохил ва хориҷ. Ҳамкориҳои ин ҷо густурда аст бо шаш кишвари ҷаҳон. Шурӯъ аз Русияву Қазоқистону Ҳиндустон то Озарбойҷону Чину Ӯзбекистон.
Литсейро фароҳам аст ҷумла шароит. Таъмин аст бо хобгоҳу дармонгоҳу маҷлисгоҳ. Бо толори варзишию шаҳраки варзишӣ. Бо китобхонаю ошхона. Бо синфхонаҳои таълимию компютерӣ. Бо ҳар чи ки зарурист барои тарбия ёфтан.
Даромадгоҳи литсейро ғуруру виқор мебахшад парчами “Сайёр”. Он парчаме, ки тақдим мешавад ба беҳтаринҳо. Миёни тарбиятгоҳҳои мардонагӣ. Чанд сол аст, ки гиранда аст ба ин парчам ин литсейи ҳарбӣ. Ин даракдиҳанда метавонад бошад аз беҳтарин будани ин макон. Дар шакли таълиму тарбия.
ТИРАРӮЗҲОИ ДУРАХШОН
Дурахшон Сатторов тавлидшуда дар соли 2004. Дар яке аз шаҳрҳои бостонӣ. Дар Панҷакенти вилояти Суғд.
Ӯро кӯдакӣ пурнишот набуда. Пуршӯру шавқ низ. Ӯро ин айём лаҳзаҳои пурфараҳ набахшида. Ӯро ин айём нозандаи хонавода насохта. Ӯро ин айём бо бозидану тохтанҳои беғамона нагузашта. Ӯро ин айём сар гузоштан рӯи зонуи волидон набуда.
Ӯро кудакӣ қурбонӣ шуда. Ба ғуссаю оҳ. Ба дарди ҷонкоҳ. Ба ҷудоӣ. Ба бенавоӣ.
Падару модарро дар ҳамин айём падруд гуфта. Дигар зиста бо ёдашону бе ҳузурашон. Сарпарасташ шуда сипас бибияш. Ӯ дигар буд ягона азизу ҳамдаму ҳамрозаш.
Бо як кам бузург шудан дарк карда, ки ӯро модарест пайваста пуштибон. Модаре ҳаст ҳамеша соябон. Ёвару дастгиру нигаҳбон. Модаре ҳаст, ки бояд фарзанди арзандаи ӯ буд. Модаре ки ӯро бояд ҳифз кард. Пас, омад барои табдил ёфтан ба барӯмандфарзанди ин меҳан. Барои шомил шудан ба гурӯҳи тарбиятгирандагони литсейи ҳарбии Вазорати мудофиа.
Баъди бархӯрдор шудан аз ғамхориҳои давлату ҳукумати кишвар хостам як муҳофизу хидматгузори он бошам,- мегӯяд ӯ.
ТОБИШИ ДУРАХШОН
Ӯро акнун наврасӣ даромад ба як тартиб. Он айёме, ки дур аст аз кулли низомҳо. Пур аст аз бозиданҳою давиданҳою тохтанҳо. Андешидем шояд барояш мушкил буд ин ҳама дар ин айём. Яъне бурун шудан аз олами озоди бачагӣ ва вуруд шудан ба дунёи бонизом. Аммо ӯ инро бараъкс хонд. Барои Дурахшон писанд аст будан дар як тартибу низом.
Оғози рӯзи ӯ дигар соати 6-и субҳ аст. Садои бедоркунанда бонги ҷасорат. Анҷом медиҳад машқҳои пагоҳирӯзӣ. Баҳри будани сокине аз ҳаёти солим.
Соати 8 шурӯи машғу-лиятҳост барои Дурахшон. Ӯ меомӯзад забонҳои хориҷӣ, технологияи информатсионӣ, физикаю дигар фанҳои омӯзонандашаванда. Ҳамчу-нин ошно мегардад бо усулҳои ҳарбию тарзи истифодаи яроқҳои ҷангӣ.
Дурахшон мекӯшад дар ҳарду самт тобанда бошад.
Ӯро бештар таваҷҷӯҳ меравад сӯи машғулиятҳои ҳарбӣ. Зеро ӯро имрӯз яроқест дар даст, ки бозичаи кӯдакӣ нест. Имрӯз ӯ метавонад онро истифода бурда. Чун қаҳрамонҳои афсонаҳои хондааш. Ӯ имрӯз имкон дорад фарзанди далер бошад. Ӯ имкон дорад номгузори худ ба ояндаҳо бошад. Чун як муҳофизи вафодор.
Дурахшон ёрирасон аст барои омода сохтани дарсҳо ба дигар дӯстонаш. Чун анҷоми машғулиятҳо оғози фориғболӣ нест дигар. Онҳоро баъд аз дарсҳо интизор аст соати худомузӣ. Аз рӯи тартиби муайяншуда. Онҳо дар ин соат бояд пардозанд пайи иҷрои супоришҳои омӯзгорон.
Мутолиаро низ меписандад. Дастонашро доиман пур месозанд китобҳои маъниафзо.
Дар лаҳзаҳои фароғат атрофи ӯро пур месозанд дӯстон. Чун суҳбат бо ӯ барояшон хушоянд аст. Аз ҳарфҳои ботамкинонаи ӯ маънӣ мегиранд ба худ.
ҶИЛОИ ДУРАХШОН
Диплому ифтихорномаҳои ӯ зиёданд. Иштирокаш дар озмунҳои бурунмарзӣ низ. Соли 2021 соли оварандаи шумори бештари онҳо. Соле, ки бобарораш унвон медиҳад Дурахшон. Ӯ дар ин сол рӯшанибахш буд дар озмуни “Илм фурӯғи маърифат”. Иштирокдор буд дар озмуни истеъдодҳои ҷавон миёни тарбиятгирандагони литсейҳои ҳарбии 16 давлати аъзои ИДМ. Сазоворшуда ба мақоми аввали он.
Ӯро гирандаи Стипендияи президентӣ низ ҳаст унвон. Дар миёни ифтихорномаҳояш ҷой дорад оне, ки тақдим карда барояш вазири мудофиаи Федератсияи Русия.
Иштирокаш дар олимпиадаи фаннӣ аз забони русӣ низ бенатиҷа нест. Барояш оварда зинаи дуюмро. Ин аст, ки ифтихор шуда. Ба кулли кормандон. Ба ҷумла тарбиятгирандагони ин макон.
ФАРДОИ ДУРАХШОН
Дурахшонро қалб пур аз орзуҳост. Аммо ҳадаф ягона: будан ҳамчу қаҳрамонфарзанд барои ин Ватан.
Мо ба дунёи ӯ таҳсин хондем. Ба азму иродааш. Водорамон сохт то умед бандем ба амалишавии он ҳама нияту нақшаҳои созандааш. Умед бандем, ки фардояш тобон бошад. Шонаҳояшро ахтарони унвонҳои ҳарбӣ фурӯзон намоянд. Умед бандем, ки арзандафарзанди ин меҳан гардад. Посдорандаи номи волидон. Шодкунандаи равони онҳо.
P/S: Хонандагони азиз! Шакли видеоии маводро аз ютубканали рӯзнома – javonontv тамошо карда метавонед.
Эзоҳи худро нависед