Бо қарори дахлдори Раиси шаҳри Душанбе моҳи оянда дар пойтахти мамлакат ярмаркаи фурӯши либос ва лавозимоти мактабӣ ташкил карда мешавад.

Дар ин хусус телеграмканали шаҳрдорӣ иттилоъ медиҳад.

Тибқи қарори мазкур ярмаркаи фурӯши либос ва лавозимоти мактабӣ аз 1 то 31 августи соли ҷорӣ дар ҷойҳои муайянгардида, бо риояи қоидаҳои беҳдоштӣ ба роҳ монда мешавад.

Ёдовар мешавем, ки ин қарор аз 9 июли соли 2024 таҳти №446 ба имзо расидааст.

Гулафшон КАРИМОВА, “ҶТ”