Дирӯз таҳти чунин унвон дар шаҳри Душанбе ҳамоиши наврасону ҷавонони пойтахт доир шуд.

Дар ин бора маркази таҳлил ва иттилооти Кумитаи кор бо ҷавонон ва варзиши назди Ҳукумати кишвар хабар додааст.

Бино ба иттилои манбаъ, чорабинӣ бахшида ба Рӯзи Президенти Ҷумҳурии Тоҷикистон ва 32-юмин солгарди Иҷлосияи ХVI Шурои Олии Ҷумҳурии Тоҷикистон баргузор гардида, дар он Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ, Махфират Хидирзода, аъзои Комиссияи марказии интихобот ва раъйпурсии Ҷумҳурии Тоҷикистон ва ҷавонони фаъол иштирок ва суханронӣ намуданд.

Пеш аз оғози ҳамоиш иштирокчиён аз осорхонаи таърихии Донишгоҳи давлатии омӯзгории Тоҷикистон ба номи Садриддин Айнӣ боздид карданд.

Зимни ҳамоиш таъкид гардид, ки имрӯз зарур аст, ҷавонони саодатманди диёр аз таърихи Истиқлоли давлатӣ, таҷрибаи сулҳофарии тоҷикон ва мактаби нодири давлатдории Пешвои миллат ба таври кофӣ бархӯрдор бошанд. Зеро дар меҳвари сиёсати Сарвари давлат ҷавонон қарор дошта, барои аз худ кардани илму донишҳои замонавӣ ва фаъолияти онҳо дар дилхоҳ соҳа тамоми шароитҳо фароҳам оварда шудааст.

Дар охир аз ҷониби гурӯҳи ҳаваскорон сурудҳои ватандӯстона пешкаши ҳозирин гардонида шуд.