21-уми январ дар толори маҷлисгоҳи Мақомоти иҷроияи ҳокимияти давлатии ноҳияи Исмоили Сомонӣ фаъолияти соҳаи кор бо ҷавонон ва варзиши шаҳри Душанбе дар соли 2020 натиҷагирӣ шуд.

Дар ҷаласаи мазкур Абдулло Раҳмонзода, раиси Кумитаи кор бо ҷавонон ва варзиш, Мавсума Муинӣ, муовини раиси шаҳри Душанбе, Шоҳзод Раҳимзода, сардори Раёсати кор бо ҷавонон ва варзиши шаҳри Душанбет, сохторҳои ҳамоҳангсоз ва дигар шахсони масъул иштирок доштанд.

Вобаста ба фаъолияти солонаи Раёсати кор бо ҷавонон ва варзиши шаҳри Душанбе Шоҳзод Раҳимзода ҳисобот дод ва натиҷаҳои фаъолият дар самти кор бо ҷавонон ва варзиш дар соли 2020 мавриди омӯзиш қарор дода шуд.

Аз ҷумла Ш. Раҳимзода гуфт: Дар соли сипаришуда бо мақсади таҳкими тарзи ҳаёти солим, ахлоқи ҳамида ва фарҳангдӯстӣ, масъулияти падару модар дар таълиму тарбияи фарзанд, пешгирии ҷавонон аз ҳар гуна хатар ва таҳдидҳо, пешгирии ҳолатҳои ҷинояткорӣ, рушди тарбияи ҷисмонӣ ва оммавияти варзиш дар мамлакат дар маҷмӯъ 1667 чорабинҳо бо фарогирии 493 ҳазору 387 нафар ташкил ва баргузор карда шуд, ки аз шумораи умумии чорабиниҳо 1078-тои он бо фарогирии 271 ҳазору 694 нафар дар самти кор бо ҷавонон ва 589 чорабинӣ бо фарогирии 221 ҳазору 693 нафар дар самти варзиш мебошад.

Ҳамчунин аз ҷониби Кумитаи кор бо ҷавонон ва варзиш ва раёсату сохторҳои ноҳиявии он дар шаҳри Душанбе 565 маротиба хонишҳои сиёсӣ бо фарогирии 34532 нафар байни ҷавонони маҳаллаҳои ҳудуди ноҳияҳои шаҳр доир гардидааст.

Дар ин замина, вобаста ба фаъолияти соҳи кор бо ҷавонон ва варзиши шаҳри Душанбе ва натиҷагирии он Абдулло Раҳмонзода ва Мавсума Муинӣ баромад намуда, фаъолияти соҳаро таҳлил ва барои бартараф намудани камбудиҳои ҷойдошта ба масъулин дастуру супоришҳои мушаххас доданд.

Қиёмиддин Маҳмадҷонов
“ҶТ”