Ба ибтикори Бахши кор бо ҷавонон ва варзиши ноҳияи Ванҷ дар истироҳатгоҳи “Дараи Зинг”-и ҷамоати деҳоти Маҳмадулло Абуллоеви ноҳияи мазкур барои кӯдакону наврасон чорабинии идона ташкил карда шуд.

Нахуст аз ҷониби аҳли ҳунари ноҳия барномаи хотирмони фарҳангӣ пешкаши кӯдакон гардида, баъдан мусобиқаҳои гуногуни варзишӣ аз рӯйи волейбол, шатранҷбозӣ ва давидан (ба масофаи 100 метр) доир шуд.

Масрур Ғайратов, мудири Бахши кор бо ҷавонон ва варзиши ноҳияи Ванҷ ба кӯдакону наврасон истироҳати бофароғат таманно намуда, барои ғолибони мусобикаҳои варзишӣ ифтихорнома ва тӯҳфаҳои хотиравӣ тақдим кард.

Машҳур ИМОМНАЗАРОВ, “ҶТ”