ҶАВОНОН
Якшанбе 16 Июн 2019 07:50
5539
Бахшида ба гиромидошти Рӯзи Модар ва қадршиносии занону духтарон, 6-уми март, бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар кохи Суруш марҳилаи ҷамъбастии Фестивали ҷумҳуриявии “Суруди Модар – алла” баргузор гардид.

Аҳтам Абдуллозода, раиси Кумитаи кор бо ҷавонон ва варзиш, зимни суханронӣ аз ҷойгоҳи зан-модар дар зиндагӣ ва нақши ӯ дар тарбияву бакамолёбии шахсиятҳо ибрози назар карда, таъкид дошт, ки занону модарон инъикосгари симои зоҳирӣ ва ботинии ҳар як давлату миллат ба шумор мераванд.

“Зан-Модар дар ҳақиқат фариштаи осмонӣ, сарчашмаи рӯзгори бани башар, дурдонаи офариниш, хуршеди меҳровару дилнавоз ва устоди нахустини зиндагии мо мебошад. Саодати зиндагӣ дар вожаҳои поку муқаддаси зан-Модар нуҳуфтааст. Дуои неки Модар боли бузурги парвоз ба суи музаффариятҳост. Аз дурахши хуршеди ҷаҳонтоби меҳри Модар дар пайкари зиндагӣ ҷон медамад. Ӯ таҷассуми зебоӣ ва тимсоли биҳишт буда, барои ҳар як фарзанд шахси азизу маҳбуб ба шумор меравад. Заҳматҳои беназири зан-Модар дар ҳақи фарзанд моро водор месозад, ки қадру қимат ва эҳтироми ӯро ҳамеша ба ҷо оварем ва барояш шароити мусоид муҳайё кунем, то тавонад дар баробари фаъолияти созандааш фарзандони солиму соҳибмаърифат тарбия намояд,” - афзуд Аҳтам Абдуллозода.

Гуфта шуд, ки Фестивали ҷумҳуриявии “Суруди Модар — алла” бо мақсади дар вуҷуди ҷавонон бедор намудани меҳру муҳаббат ва дӯст доштани модар роҳандозӣ шудааст.

Дар қисмати фарҳангии фестивал ҳунармандону ҷавондухтарони боистеъдод аз гӯшаву канори ҷумҳурӣ ҷамъ омада, дар васфи модар, таъсири алла ва навозиши модар ба фарзанд сурудҳо сароиданд.

Дар фарҷом аз ҷониби Кумита ба ғолибони даври ниҳоии фестивал диплом ва туҳфаҳои хитиравӣ тақдим гардид.






Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.