5 декабри соли ҷорӣ дар бинои “Душанбе – Плаза” Форуми волонтёрони кишвар таҳти унвони “Пайравони Пешвои миллатем” бахшида ба Рӯзи байналмилалии волонтёрон доир гардид.

Дар форуми мазкур муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Аҳмадзода Дилноза ва тамоми волонтёрони шаҳру навоҳии кишвар ҳузур доштанд.

Гуфта шуд, ки фаъолияти волонтёрӣ – фаъолияти пурсамари ҷавонони босаодату адолатпеша ба ҳисоб рафта, баҳри ободу зебо гардидани кишвари азизамон ва хизмат ба ҷомеа анҷом дода мешавад.

Бояд қайд намуд, ки ҳамасола Рӯзи байналмилалии волонтёрон аз тарафи Кумитаи кор бо ҷавонон ва варзиш бо тантана ҷашн гирифта мешавад. Соли ҷорӣ низ чорабиниҳо бахшида ин рӯз давоми ду рӯз миёни волонтёрони кишвар дар шаҳри Ҳисор роҳандозӣ шудааст.