Дар варзишгоҳи марказии “Авесто Арена” – и ҷамоати Қалъаи Хумби ноҳияи Дарвоз миёни афсарону сарбозони қисми низомии 0409 – и Қушунҳои сарҳадии Сарраёсати КДАМ – и Ҷумҳурии Тоҷикистон ва Шуъбаи Вазорати корҳои дохилӣ футболи дӯстона гузаронида шуд.

Тавре корманди Бахши кор бо ҷавонон ва варзиши ноҳия Хуршед Ғаффоров иттилоъ дод, бозӣ бо ибтикори бахш сурат гирифта, инчунин пеш аз он бо ширкати низомиёну зиёда аз 50 нафар ҷавонони ноҳия машқҳои пагоҳирӯзӣ гузаронида шуд.

Дар бозии дӯстона тими “Қисми ҳарбии 0409” дастаи “ШВКД” - ро бо ҳисоби 4 : 3 мағлуб намуда, ғолибиятро ба даст овард.

Бояд гуфт, ки дигар чорабиниҳои солимгардонӣ дар ноҳия идома доранд.