Ҷавонони ҷамоатҳои Мурғоб барои сохтмони толори варзишӣ дар ҷамоати Бердибаев маблағи 7000 сомониро ҷамъоварӣ карданд, ки бо он метавон корҳои сохтмониро ба итмом расонд.

Дар ин бора Жанпулод Қамчибеков, мудири Бахши кор бо ҷавонон ва варзиши ноҳия иттилоъ дода гуфт, ки ин иқдом дар ҳамкорӣ бо бахш гирифта шуд ва дар маросими супоридани маблағ ба ҷавонони ҷамоат роҳбарияти Мурғоб низ ширкат намуд.

Ҳамчунин ин ташаббус дар доираи дастуру супоришҳои Пешвои миллат Эмомалӣ Раҳмон оид ба бунёди толору майдончаҳои варзишӣ, дар сатҳи баланди омодагӣ пешвоз гирифтани ҷашни бузурги Рӯзи Ваҳдати миллӣ, анҷом додани амалҳои нек, вусъати корҳои созандагиву ободонӣ дар тамоми қаламрави кишвар Роҳандозӣ шудааст.