Дар ноҳияи Рӯдакӣ бо ташаббуси Бахши кор бо ҷавонон ва варзиши ноҳия ихтиёриён иқдоми некеро баҳри пешгирӣ аз бемории сироятии норасоии масунияти бадан роҳандозӣ намуданд. 

Онҳо бо ҷавонон вохӯрӣ гузаронда, аз оқибатҳои ногувори ин вабои аср ба эшон маълумот доданд.

- Метавон гуфт, ки саломати ҳар як инсон аз худи ӯ вобастааст, - изҳор дошт мудири Бахши кор бо ҷавонон ва варзиши ноҳия Абдулло Сатторӣ. – Аз ин рӯ эҳтиёткор ва ҳушёр бошем, то ин ки ягон беморӣ ба мо таҳдид накунад. Иқдоми роҳандозишуда маҳз ба ин хотир ҷараён гирифт.