Таҳти ин унвон имрӯз дар толори МД “Душанбе Плаза” ҳамоиши шӯрои “иттиҳодияи ташкилотҳои ҷавонони Тоҷикистон” бо иштироки роҳбарон ва номояндагони шӯрои ин иттиҳодия баргузор гардид.

Дар ҳамоиши мазкур мовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Назарзода Ризо Шодӣ иштирок карда, таъкид намуд, ки имрӯз ҳамаи он ҳамоишҳое, ки аз ҷониби кормандани Кумита барои сакинони пойтахт, барои ҷавонони фаъоли кишвар ва дар қисмҳои ҳарбӣ барои дар сатҳи баланд гузаронидани маъракаи муҳими сиёсӣ гузаронида шуда буданд, ҷамъбаст мекунем. Ман ҳамаи иштирокчиёни имрӯзаро бори дигар хотирасон мекунам, ки то интихоботи Презденти кишвари мо ҳамагӣ 2 рӯз боқӣ мондааст ва мо бояд то ба ин рӯз расидан зиракии сиёсиро аз даст надиҳем. Чунки барои боз ҳам ободу зебо гардонидани кишварамон овози ҳар яки мо ҳалшаванда аст. Барои ҳамин имрӯз бояд ба як хулосае омада, дар интихобот фаъолона иштирок намуда, номзади арзандаро интихоб намоем. Ман бо боварии комил гуфта метавонам, ки ҳамаи аъзоёни ташкилотҳо фаъол ҳастанд ва дар ин маракаи муҳим фаъолона иштирок мекунанд.

Дар фарҷоми ҳамоиш аз ҷониби намояндагони шӯрои “Иттиҳодияи ташкилотҳои ҷавонони Тоҷикистон” баромаду маърӯзаҳо шунида шуд.