ҶАВОНОН
Сешанбе 29 Апрел 2025 03:24
Номи се наврас аз деҳаи Бодоми ноҳияи Роштқалъа вақте вирди забон шуд, ки сурудхониашон тавассути яке аз корбарони шабакаи иҷтимоии инстаграм расонаӣ гардида, дар байни ҷомеа ҳаводорони зиёдеро пайдо кард. Мустафо, Мунис ва Асрор ба таври зиндаю хеле самимона суруд мехонданд, ки корбарони шабакаҳои иҷтимоиро ба ваҷд оварда, ҳар кас ба ҳунару истеъдодашон таҳсину офарин мехонд.
Дар муддати кӯтоҳ онро зиёда аз 28 ҳазор нафар тамошо карданд, 1172 нафар зернашр навиштанду 51,2 ҳазор бознашр намуданд. Онҳо интизор набуданд, ки бо ин амалашон рӯзе на танҳо маҳбубият ба даст меоранд, балки дар саҳнаи калони шаҳри Душанбе соҳиби туҳфа ҳам мегарданд.
Маҳз истеъдоди онҳоро ба инобат гирифта, роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон онҳоро ба маросими ҷоизасупории соҳаи кор бо ҷавонон дар соли 2024 даъват намуда, дар вазъияти тантанавӣ онҳоро бо туҳфаҳои хотиравӣ ва мукофотпулӣ сарфароз намуд. Воқеан, ин рӯйдод барои Мустафою Анис ва Асрор ғайричашмдошт буд.
ТАЪРИХЧАИ САБТИ НАВОР
Деҳаи Бодом дар фарози пуштакӯҳ дар баландии 5 км дуртар аз роҳи марказии ноҳияи Роштқалъа ҷойгир аст. Бо кӯшиш ва меҳнати шабонарӯзии сокинонаш дар солҳои охир он аз як пуштакӯҳи бедолу дарахт ба ҷойи тамошобоби дилфиреб табдил ёфтааст. Дар деҳа ду муассисаи таълимӣ, бунгоҳи замонавии тиббӣ ва майдончаи варзишӣ фаъолият менамояд.
Агар солҳои пеш деҳа дорои 5-6 хоҷагӣ буд, ҳоло бошад, шумораашон ба 101 хоҷагӣ расидааст. Мардуми деҳа, ки рӯзгорашонро асосан аз ҳисоби зироаткорӣ ва чорводорӣ мегузаронанд, ҳамасола заминҳои навро обод карда, ҳосили дилхоҳ ба даст меоранд. Маҳз дастирии Ҳукумати мамлакат, хосса Пешвои миллат муҳтарам Эмомалӣ Раҳмон аст, ки деҳаҳои дурдасти мамлакат низ имрӯз рушд кардаву сатҳу сифати рӯзгори мардум боло рафтааст. Дар оғӯши қуллаи баланди барфпӯш ва табиати зебою нотакрори кӯҳистон сокинони деҳа бо шукргузорӣ аз фазои ободу озоди Ватан дар ободонию шукуфоии диёрашон саҳмгузор ҳастанд.
Маҳз аз ин деҳа ду сол қабл дар шабакаи иҷтимоии Инстаграм наворе пайдо гардид, ки дар он се наврас бо истифодаи ашёҳои одӣ, аз ҷумла чӯб, косаи равған, ҳамчун асбобҳои мусиқӣ бо шавқ суруд мехонданд. Аз нақли аъзои хонаводаи онҳо Худоёрбек Худоёрбеков наворро устое, ки хонаи ҳамсояашонро таъмир мекард, ҳини фориғ аз кор гирифта, баъдан онро дар интернет гузошта буд.
- Ба назари мо ин чизи ғайриоддӣ набуда, зеро онҳо ҳамарӯза бо дигар бачаҳои деҳа ҷамъ шуда, суруд мехонданду рақс мекарданд ва ба ин чиз диққат ҳам намедодем, - гуфт ӯ дар идомаи суҳбат. - Дар аввал ҳатто аз он, ки сурудхонии ҷиянҳоямонро дар интернет гузоштаанд, дарак ҳам надоштем. Аз шаҳри Москва моро занг мезаданду пурсон мешуданд. Як рӯз сардори ҷавонони вилоят ба мо занг зада, гуфт, ки хешонатонро ба Душанбе барои ҳавасманд намудан мебарем. Аз ин рӯйдод бисёр хушҳол гардидем ва миннатдории худро барои дастгирии фарзандонамон баён менамоем.
МУҲИТИ ОИЛА
Мустафо ва Мунис бо ҳам бародар буда, оилаи онҳо чанд сол пеш ба шаҳри Истиқлоли (собиқ Табошар) вилояти Суғд барои зисти доимӣ кӯч бастаанд. Падарашон алъон дар муҳоҷирати меҳнатӣ қарор дораду модарашон хонашин. Аз рӯйи гуфти онҳо, падарашон худ низ сароянда аст ва ӯро дар тӯю маъракаҳо низ даъват мекунанд. Мус-тафо Худоёрбеков ҳоло дар синфи 9-и яке аз муассисаҳои таълимии шаҳри Истиқлол таҳсил менамояд. Бародараш Мунис бошад, дар хонаи бобову бибияш зиндагӣ карда, дар муассисаи таҳсилоти ҳамагонии деҳа дар синфи 6 мехонад. Асрор Куканбеков аз хешовандони наздики онҳо ва хонандаи синфи 7 мактаби деҳа мебошад.
- Дар деҳаи мо қариб ҳама истеъдоди овозхонӣ, ё дигар ҳунар доранд,-мегӯяд бобои Асрор Куканбеков. –Хонае нест, ки дар он асбоби мусиқӣ набошад. Дар ҳар хона асбоби мусиқӣ дорем. Солҳои пеш қабл аз баромадани офтоб, шахсоне, ки ҳунар доштанд, дар хонаи урфии бадахшонӣ ҷамъ гардида, ғазалҳои Саъдию Ҳофиз ва Мавлоно Ҷалолиддини Балхиро барои хонаводаашон месароиданд. Шомгоҳон маҳфилҳо меоростем ва базму ғазалхонӣ мекардем, - мегӯяд амаки Куканбек.
Албатта, фазои чунин муҳит имконият медиҳад, ки насли баъдӣ низ дар пайравӣ аз насли калонсол роҳ паймуда, анъанаҳои гузаштаи худро чун чароғи зиндагӣ доимо равшан нигоҳ дорад.
“МЕХОҲЕМ ДАР ОЯНДА САРОЯНДА ШАВЕМ”
Мустафо Худоёрбеков соли гузашта то даври вилоятии озмуни ҷумҳуриявии “Тоҷикистон-Ватани азизи ман” дар вилояти Суғд иштирок намудааст. Имсол низ ният дорад, ки дар озмун бо тайёрии ҷиддӣ ширкат варзида, ҷойи намоёнро ишғол намояд.
Ӯ мусиқиро бисёр дӯст медорад ва дар вақтҳои холӣ ё асбоби сози мусиқӣ менавозад ва ё суруд замзама мекунад. “Мехоҳам дар оянда сароянда шавам. Мисли дигар ҳофизони номдор номбардори Ватану миллати худ шавам”,-мегӯяд ӯ. Мунису Асрор низ ният доранд, ки дар ҷодаи санъати сарояндагӣ гом гузоранд. Дар ин самт ягон мушкилӣ садди роҳашон нахоҳад гардид. Зеро ин наврасон аллакай қадамҳои нахустини худро дар соҳаи санъат гузоштанду дар ин ҷода мухлису маҳбубият пайдо кардаанд.
Онҳо аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ки истеъдоду маҳорат ва заҳмати онҳоро қадр намудааст, изҳори хушҳолӣ намуданд ва миннатдориашонро бо дилгармӣ баён намуданд.
Мо низ дар оянда барояшон тавфиқу барор мехоҳем.
С. ҶАНОБИЛШОЕВ, “ҶТ”
Дар муддати кӯтоҳ онро зиёда аз 28 ҳазор нафар тамошо карданд, 1172 нафар зернашр навиштанду 51,2 ҳазор бознашр намуданд. Онҳо интизор набуданд, ки бо ин амалашон рӯзе на танҳо маҳбубият ба даст меоранд, балки дар саҳнаи калони шаҳри Душанбе соҳиби туҳфа ҳам мегарданд.
Маҳз истеъдоди онҳоро ба инобат гирифта, роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон онҳоро ба маросими ҷоизасупории соҳаи кор бо ҷавонон дар соли 2024 даъват намуда, дар вазъияти тантанавӣ онҳоро бо туҳфаҳои хотиравӣ ва мукофотпулӣ сарфароз намуд. Воқеан, ин рӯйдод барои Мустафою Анис ва Асрор ғайричашмдошт буд.
ТАЪРИХЧАИ САБТИ НАВОР
Деҳаи Бодом дар фарози пуштакӯҳ дар баландии 5 км дуртар аз роҳи марказии ноҳияи Роштқалъа ҷойгир аст. Бо кӯшиш ва меҳнати шабонарӯзии сокинонаш дар солҳои охир он аз як пуштакӯҳи бедолу дарахт ба ҷойи тамошобоби дилфиреб табдил ёфтааст. Дар деҳа ду муассисаи таълимӣ, бунгоҳи замонавии тиббӣ ва майдончаи варзишӣ фаъолият менамояд.
Агар солҳои пеш деҳа дорои 5-6 хоҷагӣ буд, ҳоло бошад, шумораашон ба 101 хоҷагӣ расидааст. Мардуми деҳа, ки рӯзгорашонро асосан аз ҳисоби зироаткорӣ ва чорводорӣ мегузаронанд, ҳамасола заминҳои навро обод карда, ҳосили дилхоҳ ба даст меоранд. Маҳз дастирии Ҳукумати мамлакат, хосса Пешвои миллат муҳтарам Эмомалӣ Раҳмон аст, ки деҳаҳои дурдасти мамлакат низ имрӯз рушд кардаву сатҳу сифати рӯзгори мардум боло рафтааст. Дар оғӯши қуллаи баланди барфпӯш ва табиати зебою нотакрори кӯҳистон сокинони деҳа бо шукргузорӣ аз фазои ободу озоди Ватан дар ободонию шукуфоии диёрашон саҳмгузор ҳастанд.
Маҳз аз ин деҳа ду сол қабл дар шабакаи иҷтимоии Инстаграм наворе пайдо гардид, ки дар он се наврас бо истифодаи ашёҳои одӣ, аз ҷумла чӯб, косаи равған, ҳамчун асбобҳои мусиқӣ бо шавқ суруд мехонданд. Аз нақли аъзои хонаводаи онҳо Худоёрбек Худоёрбеков наворро устое, ки хонаи ҳамсояашонро таъмир мекард, ҳини фориғ аз кор гирифта, баъдан онро дар интернет гузошта буд.
- Ба назари мо ин чизи ғайриоддӣ набуда, зеро онҳо ҳамарӯза бо дигар бачаҳои деҳа ҷамъ шуда, суруд мехонданду рақс мекарданд ва ба ин чиз диққат ҳам намедодем, - гуфт ӯ дар идомаи суҳбат. - Дар аввал ҳатто аз он, ки сурудхонии ҷиянҳоямонро дар интернет гузоштаанд, дарак ҳам надоштем. Аз шаҳри Москва моро занг мезаданду пурсон мешуданд. Як рӯз сардори ҷавонони вилоят ба мо занг зада, гуфт, ки хешонатонро ба Душанбе барои ҳавасманд намудан мебарем. Аз ин рӯйдод бисёр хушҳол гардидем ва миннатдории худро барои дастгирии фарзандонамон баён менамоем.
МУҲИТИ ОИЛА
Мустафо ва Мунис бо ҳам бародар буда, оилаи онҳо чанд сол пеш ба шаҳри Истиқлоли (собиқ Табошар) вилояти Суғд барои зисти доимӣ кӯч бастаанд. Падарашон алъон дар муҳоҷирати меҳнатӣ қарор дораду модарашон хонашин. Аз рӯйи гуфти онҳо, падарашон худ низ сароянда аст ва ӯро дар тӯю маъракаҳо низ даъват мекунанд. Мус-тафо Худоёрбеков ҳоло дар синфи 9-и яке аз муассисаҳои таълимии шаҳри Истиқлол таҳсил менамояд. Бародараш Мунис бошад, дар хонаи бобову бибияш зиндагӣ карда, дар муассисаи таҳсилоти ҳамагонии деҳа дар синфи 6 мехонад. Асрор Куканбеков аз хешовандони наздики онҳо ва хонандаи синфи 7 мактаби деҳа мебошад.
- Дар деҳаи мо қариб ҳама истеъдоди овозхонӣ, ё дигар ҳунар доранд,-мегӯяд бобои Асрор Куканбеков. –Хонае нест, ки дар он асбоби мусиқӣ набошад. Дар ҳар хона асбоби мусиқӣ дорем. Солҳои пеш қабл аз баромадани офтоб, шахсоне, ки ҳунар доштанд, дар хонаи урфии бадахшонӣ ҷамъ гардида, ғазалҳои Саъдию Ҳофиз ва Мавлоно Ҷалолиддини Балхиро барои хонаводаашон месароиданд. Шомгоҳон маҳфилҳо меоростем ва базму ғазалхонӣ мекардем, - мегӯяд амаки Куканбек.
Албатта, фазои чунин муҳит имконият медиҳад, ки насли баъдӣ низ дар пайравӣ аз насли калонсол роҳ паймуда, анъанаҳои гузаштаи худро чун чароғи зиндагӣ доимо равшан нигоҳ дорад.
“МЕХОҲЕМ ДАР ОЯНДА САРОЯНДА ШАВЕМ”
Мустафо Худоёрбеков соли гузашта то даври вилоятии озмуни ҷумҳуриявии “Тоҷикистон-Ватани азизи ман” дар вилояти Суғд иштирок намудааст. Имсол низ ният дорад, ки дар озмун бо тайёрии ҷиддӣ ширкат варзида, ҷойи намоёнро ишғол намояд.
Ӯ мусиқиро бисёр дӯст медорад ва дар вақтҳои холӣ ё асбоби сози мусиқӣ менавозад ва ё суруд замзама мекунад. “Мехоҳам дар оянда сароянда шавам. Мисли дигар ҳофизони номдор номбардори Ватану миллати худ шавам”,-мегӯяд ӯ. Мунису Асрор низ ният доранд, ки дар ҷодаи санъати сарояндагӣ гом гузоранд. Дар ин самт ягон мушкилӣ садди роҳашон нахоҳад гардид. Зеро ин наврасон аллакай қадамҳои нахустини худро дар соҳаи санъат гузоштанду дар ин ҷода мухлису маҳбубият пайдо кардаанд.
Онҳо аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ки истеъдоду маҳорат ва заҳмати онҳоро қадр намудааст, изҳори хушҳолӣ намуданд ва миннатдориашонро бо дилгармӣ баён намуданд.
Мо низ дар оянда барояшон тавфиқу барор мехоҳем.
С. ҶАНОБИЛШОЕВ, “ҶТ”
Хабарҳои дигар
Рӯзнома
Эзоҳи худро нависед