Бо мақсади дар сатҳи зарурӣ ба роҳ мондани Барномаи миллии рушди иҷтимоии ҷавонон барои солҳои 2016 - 2018 ва ба ин васила баланд бардоштани ҳисси худшиносиву тарбия намудани наврасону ҷавонон дар рӯҳияи ватандӯстӣ кормандони соҳаи кор бо ҷавонони ВМКБ суҳбату вохӯриҳои мунтазамро роҳандозӣ намуданд.

Мулоқоти мазкур таҳти роҳбарии сардори Раёсати кор бо ҷавонон ва варзиши вилоят Сураҷ Чоршанбиев бо ҳайати шахсии сарбозону афсарони қисмҳои низомии 0410 - и Қӯшунҳои сарҳадии КДАМ дар Хоруғ гузаронида шуда, дар он оид ба ҷиддият нишон додан ҳангоми адои вазифаҳои хизматӣ, ҳимояи манфиатҳои миллӣ ва марзу буми кишвар, эҳтироми якдигарӣ ва қатъӣ амал кардан аз рӯи ваколатҳои хизматӣ, роҳ надодан ба қонуншиканӣ миёни ҳайати шахсӣ ва дигар масоили марбут сухан рафт.

Қайд гашт, ки иззату эҳтиром нисбати якдигар волотарин рафтори инсон буда, он дар хизматӣ ҳарбӣ ҳам болотар аз ҳамаи вазифаҳо меистад.