Дар ҷамоати деҳоти Зиракии шаҳри Кӯлоб озмуни ҳарбӣ-варзишии “Ватанпарвар-2023” миёни хонандагони синфҳои 10 ва 11-и муассисаҳои таълимӣ ҷамъбаст гардид. Дар ин бора Раёсати кор бо ҷавонон ва варзиши вилояти Хатлон иттилоъ дод.

Тибқи иттилои манбаъ, дар озмун мутобиқи низомномаи тасдиқгардида аз рӯи намудҳои гуногуни варзиш қувваозмоӣ сурат гирифта, дар натиҷа ғолибони озмун муайян гардиданд.

Гуфта мешавад, ғолибон аз рӯи шартҳои сафороӣ, сафороӣ бо суруд, гулулабардорӣ, бандкашӣ ва рассомӣ муайян шуда, бо ифтихорномаи Бахши кор бо ҷавонон ва варзиши шаҳри Кӯлоб қадрдонӣ шуданд.