Имрӯз дар толори Донишкадаи энергетикии Тоҷикистон дар ноҳияи Кӯшониён ҷаласаи васеъи ҷамъбастӣ оид ба натиҷаҳои фаъолияти Бахши кор бо ҷавонон ва варзиш, Муасиссаи давлати мактаби варзишӣ, маҳфили ташкилоти “Пайравони Пешвои миллат” ва Иттифоқи ҷавонони Тоҷикистон дар ноҳия баргузор гардид.

Дар ин бора аз Бахши кор бо ҷавонон ва варзиши ноҳия Кӯшониён хабар доданд.

Дар кори ҷаласа қайд гардид, ки бахши кор бо ҷавонон ва варзиши ноҳияи Кӯшониён дар доираи “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2022 - 2026”, “Барномаи давлатии тарбияи ватандўстӣ, эҳсоси масъулияти шаҳрвандӣ ва таҳкими ҳувияти миллии ҷавонони Тоҷикистон барои солҳои 2023 - 2027” ва “Барномаи миллии рушди фаъолияти волонтёрӣ дар вилояти Хатлон барои солҳои 2023-2027” корбариро роҳандозӣ намуд.

Дар идома дастуру супоришҳои роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ки дар ҷаласаи ҷамъбастии ҳайати мушовараи Кумита, ки дар маҷлиси ҷамъбастии рушди иҷтимоию иқтисодӣ баён доштанд, ба саҳми масъулин расонида шуда, ҷиҳати бартараф намудани камбудҳо ва ҳалли мушкилоти марбута масъулинро вазифадор намуданд.

Наҷиба МУРОДБЕКОВА, “ҶТ”