Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар моҳи феврал бахшида ба Рӯзи Артиши миллӣ 42 чорабиниро ба нақша гирифтааст.

Дар ин бора аз шуъбаи таҳлилу иттилооти Кумитаи мазкур хабар доданд.

Тавре аз шуъбаи таҳлилу иттилооти Кумита гуфтанд, то имрӯз аз ҷониби масъулин 20 чорабинӣ баргузор гардидааст. Баргузории фелешмобе таҳти унвони “Аз сарбоз буданам ифтихор мекунам”, ҳамоиши хизмачиёни ҳарбӣ ва ҷавонони синни даъватӣ бо номи “Хизмат ба Ватан шарафи ҷавонмардист”, боздиди сарбозони қисму воҳидҳои низомӣ аз осорхонаи Пешвои миллат дар Донишгоҳи миллии Тоҷикистон аз қабили ҳамин гуна чорабиниҳоянд.

Лозим ба ёдоварист, ки ҳамаи бахшу раёсат ва зерсохторҳои Кумита дар манотиқи гуногуни кишвар чунин чорабиниҳоро дар арафаи Рӯзи Артиши миллӣ баргузор хоҳанд кард.

“ҶТ”