Кумитаи ҷавонон, варзиш ва сайёҳӣ барои дарёфти ҷоизаи ба номи Исмоили Сомонӣ дар соли 2017 байни олимони ҷавон озмун эълон менамояд.

Ҷоизаи ба номи Исмоили Сомонӣ барои олимони ҷавоне, ки дар соҳаи илму техника корҳои намоён анҷом додаанд бо мақсади рушду инкишофи иқтидори илмии Ҷумҳурии Тоҷикистон ва ҳавасманд намудани фаъолияти эҷодии олимони ҷавон мутобиқи Фармони Президенти Ҷумҳурии Тоҷикистон аз 25 марти соли 1998, №967 таъсис дода шудааст.

Нишондиҳандаи муҳими иштирок дар озмун барои довталаб, синни то 35 сола, дифои рисолаи илмӣ (то апрели 2016) ва дар амал қарор доштани натиҷаҳои кори илмӣ дар муҳлати на кам аз як сол мебошад.

Қабули ҳуҷҷатҳо барои иштирок дар озмун ба суроғаи дар поён овардашуда то 15 апрели соли 2017, соати 14:00 сурат мегирад.

Маълумоти иловагиро вобаста ба талаботи озмун метавонед аз суроғаи зерин дастрас намоед:
- шаҳри Душанбе, кўчаи Спортивная 6.;
- телефон барои тамос (+37) 2351953, 2363726
- www.youth.tj ва kjvs.1997@mail.ru reytl