Дар асоси нақшаи чорабиниҳои Бахши кор бо ҷавонон ва варзиши ноҳияи Ванҷу ҳамкории мақомоти иҷроияи маҳалии ҳокимияти давлатии ноҳия чорабиниҳои варзишӣ – фарҳангӣ миёни ҷавонону наврасон баргузор шуданд.

Тавре аз бахш иттилоъ доданд, бахшида ба 27 - умин солгарди таъсисёбии Қувваҳои Мусаллаҳи Ҷумҳурии Тоҷикистон байни ҷавонписарони синни 2002 – 2004 мусобиқа аз рӯи намуди гӯштини дзюдо гузашта, дар он дастаҳо аз шаш ҷамоати ноҳия бо ҳам қувваозмоӣ карданд. Ғолибони мусобиқа бо ифтихорномаҳои бахш қадрдонӣ шуданд.

Инчунин даври аввали озмуни "Канӣ духтарон?" байни ҷавондухтарони муассисаҳои таълимии ноҳия гузашта, ғолибони он ба даври ноҳиявӣ, ки соли равон арафаи Рӯзи модар таҷлил хоҳад шуд, роҳхат гирифтанд.