ҶАВОНОН
Душанбе 26 Октябр 2020 11:25
5985
Баъзе касбҳое ҳастанд, ки агар меҳри он дар дил мавҷуд набошад, барои омӯхтани он ҳазорон ҷаҳд кунем ҳам, муваффақиятеро соҳиб намегардем. Аз шумори ин касбҳо рассомист, ки машаққату заҳмати зиёдеро талаб мекунад. Санавбар Ҳақдодова  солҳост, ки ба касби рассомӣ машғул аст. Санавбар тӯли ин солҳо бисёр нозукиҳо ва қоидаҳои касби рассомиро аз худ кардааст. Ӯ дар ҷавоб ба чанд саволи мо доир ба мақсади интихоби касб, доираи фаъолият, таваҷҷуҳи занон ба касби рассомӣ, нозукиҳои рассомӣ ва ғайра андешаҳояшро иброз дошт. 

- Чаро Шумо касби рассомиро интихоб намудед?

- Аз хурдсолиам ба расмкашӣ машғул мешудам. Аз хурдӣ волидонам завқи зиёд доштани маро нисбати ин касб мушоҳида карда, барои аз худ намудани он барои ман тамоми шароитро фароҳам сохтанд. Вақте ки ман расмҳои тасвиркардаамро ба назди падарам мебурдам, он кас маро таъриф карда аҳсану офарин мехонданд. Ин ба ман руҳияи тоза мебахшид ва кӯшиш мекардам, ки ҳарчи бештар аз нозукиҳои ин касб воқиф гардам. Баъдан падарам маро ба назди рассоми моҳир Бахтиёр Қаҳҳоров бурданд, то нозукиҳои ин касбро аз худ кунам. Сипас ба Коллеҷи рассомӣ дохил шуда, бо муваффақият онро хатм кардам. Ҳоло бошад ҳамчун омӯзгор ва рассом дар коллеҷи мазкур фаъолият дорам.  Дигар сабабаш он аст, ки ман дар оилаи эҷодкор таваллуд шудаам. Падарам соҳаи рассомиро бисёр хуб медонанд ва дар ин бора маълумоти бисёр доранд.

- То аз худ намудани ин касб чӣ мушкилиҳоро аз сар гузаронидед? 

- Албатта ҳеҷ кор бе мушкилӣ намешавад. Барои муваффақ гаштан ба ҳадафи дар пешгузошташуда бояд заҳмат кашид. Дар оғози фаъолиятам мушкилиҳо зиёд буданд, аммо бо мурури замон ҳама мушкилиҳоро паси сар кардам. Ба фикри ман барои касбе, ки худи шахс интихоб мекунад, бояд меҳнат кард ва дар ин росто ба он шавқи зиёд бояд дошт. Меҳнат ва муҳаббат ба касб роҳнамоест барои мутахассиси хуб шудан. 

- Нигоҳи занон имрӯз ба касби рассомӣ чи гуна аст? 

- Занҳо ба соҳаи рассомӣ имрӯзҳо ҳамчун машғулияти илҳомбахшанда нигоҳ мекунанд. Барои занҳо мушкилиҳо имрӯзҳо хеле зиёд мебошад. Чунки пеш аз ҳама онҳо модаранд ва кору бори рӯзгорро дар мадди авал мегузоранд,  ҳамаи қувваи худро ба ин корҳо сарф мекунанд. Аз ин рӯ занҳо дар ин самт нисбатан каманд. Вале рассомӣ чун касби зебоипарастист, аксарияти занҳо онро хуш доранд.

- То имрӯз чӣ қадар асар эҷод кардед ва оё онҳо ба озмунҳо роҳ ёфтанд? 

- То ҳол асарҳои эҷодкардаамро нашуморидаам. Аммо кӯшиш мекунам, ки ҳамасола шумораашон зиёд гарданд. Дар як сол 2-3 асар меофарам. Асарҳои эҷодкардаам аз даврони донишҷӯиям сар карда дар тамоми озмунҳои кишвар ва берун аз он  намоиш дода мешуданд. Соли 2013 дар озмуни рассомони ҷавон, ки дар Эрон гузашт,  ширкат варзида, номи Тоҷикистони азизамонро дар байни дигар давлатҳо бори дигар муаррифӣ кардам.

- Шогирд доред? 
 
- Ҳар киро дар зиндагӣ устодест. Инсон даме, ки чашм ба олами ҳастӣ мекушояд, албатта бо як ҳусну истеъдоди Худовандӣ тавлид мешавад, аммо худ танҳо бесарварӣ, бероҳнишондиҳӣ ва беустоде соҳиби мақому мартабае шуда наметавонад. Устод касест, ки дар симои ӯ кас омӯзандаи ҳама гуна роҳу равиш, кору фаъолият ва ҷамъи ҳунару истеъдодҳоро мебинад. Дар соҳаи расомӣ ҳам шогирдони ман имрӯзҳо шумораашон кам нестанд, ки аз руи касбашон бо ҷойи кори хуб таъмин гашта фаъолият доранд, ки боиси фахри ман гаштаанд. Ҳамчунин, айни замон якчанд шогирдони ман дар қатори худам омӯзгор шуда фаъолият доранд. 

- Агар фарзанди Шумо ин роҳро интихоб кунад, зиддият нишон намедиҳед? 

- Вазифаи ҳар як падару модар аз он иборат аст, ки барои интихоби касби фарзандаш роҳнамоӣ карда, маслиҳату машварат диҳад. Ҳолатҳое сар мезананд, ки дар интихоби касбу кори ҷавонон падару модарон садди роҳ мешаванд. Агар фарзанди ман дар оянда ин касбро интихоб кунад, зиддият нишон дода наметавонам. Вале мехоҳам, ки фарзандам дар оянда ин касбро ҳамчун касби дуюмдараҷа ва машғулияти иловагӣ барои худ қабул кунад. 

- Дар фарҷом чӣ таманниёт доред?

- Аз ҳамаи занону ҷавондухтарон даъват ба амал меорам, ки касби рассомиро аз худ намоянд. Бигузор, онро ҳамчун шуғл қабул намояд. Чун рассомӣ ҳисси зебоипарастиро дар шахс зиёд менамояд. 

- Ташаккур барои суҳбат. 

- Саломат бошед.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Октябр 2020 c.