Ба ифтихори Рӯзи Парчами Ҷумҳурии Тоҷикистон, дар шаҳри Бохтари вилояти Хатлон Ҳамоиши гирандагони стипендияҳои Президенти Ҷумҳурии Тоҷикистон доир гардидид.

Дар он Абдуллозода Аҳтам Рустам, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иштирок намуда, иброз доштанд, ки Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон барои ҳавасман намудани насли ҷавон тамоми шароит ва имкониятҳои замони муосирро фароҳам оварда, танҳо наврасону ҷавононро зарур аст, ки ҳарчи бештар илм омӯзанд, донишҳои замони муосирро аз худ намуда, кадрҳои баландихтисос гардида ба Ватан – Модар содиқона хизмат намоянд. 

Дар доираи ҳамоиш раиси Кумитаи кор бо ҷавонон ва варзиш шаҳодатномаҳои гирандагони стипендияи Президенти Ҷумҳурии Тоҷикистон дар соли хониши 2018 – 2019 дар вилояти Хатлонро ба онҳо тақдим намуданд. 

Муовини раиси вилояти Хатлон Махфират Хидирзода зимни суханронии хеш иброз намуданд, ки бо талошу дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон дар вилояти Хатлон барои омӯзиши донишҳои муосир тамоми имкониятҳо фароҳам оварда шудааст. Ҳар сол дар ҳудуди вилоят даҳо мактабҳои хуштарҳу замонавӣ сохта ба истифода дода шуда, садҳо нафар ҷавонони вилоят дар донишгоҳҳои бонуфӯзи давлатҳои хориҷа ба таҳсили илм фаро гирифта мешаванд, ки ин намунаи олии таваҷҷуҳи Роҳбари давлат нисбат ба цишри ояндасоз – ҷавонон мебошад. 

Аз ҷониби гирандагони стипендияи Президентӣ дар виляоти Хатлон ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон барои фароҳам овардани шароити мусоид изҳори миннатдорӣ карда шуд. 

Дар охир, аз ҷониби аҳли санъати вилоят ба ифтихони ин чорабинии муҳим барномаи консертии рангин ба намоиш гузошта шуд.