Дар шаҳри Бохтари вилояти Хатлон ҳамоиши гирандагони Стипендияи президентӣ баргузор гардид. Дар ин бора Раёсати кор бо ҷавонон ва варзиши вилояти Хатлон иттилоъ дод.

Ба иттилои манбаъ, ин ҳамоиш дар Донишгоҳи давлатии Бохтар бо иштироки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор доир гардид.

Гуфта мешавад, ки дар ин чорабинӣ гириндагони Стипендияи президентии ноҳияҳои Вахш, Бохтар ва Кӯшониён иштирок намуданд.

Бояд гуфт, ки дар Ҷумҳурии Тоҷикистон беш аз 3 миллион нафарро ҷавонон ташкил медиҳанд, ки аз ин шумора 3 ҳазор нафар гирандани Стипендияи президентӣ мебошад.

Фарзонаи УМАРАЛӢ, “ҶТ”