3 октябри соли 2017 дар маркази вилояти Хатлон шаҳри Қӯрғонтеппа барои сафарбаркунии наваскарони ихтиёрӣ роҳбарияти вилоят ва падару модарон ҷаъм омада сарбозони ихтиёриро ба хизмати Модар-Ватан равон карданд.

Дар чорабини раиси вилояти Хатлон Давлатшоҳ Гулмаҳмадзода, сардори комисарияти вилояти Хатлон Куганзода Ҳакими Самад, муовини раиси вилоят Махфират Хидирзода, раиси шаҳри Қӯрғонтеппа Исмоилзода Абдуалим, сардори Раёсати кор бо ҷавонон ва варзиши вилояти Хатлон Фариза Абдулоева ва падару модарони аскарбачаҳо иштирок намуданд.

Зимни суханронии худ Давлатшоҳ Гулмаҳмадзода изҳор дошт, ки ҷавонон пешбарандаи ҷомеа ва ҳомиёни марзу буми Тоҷикистони соҳибистиқлоланд ва ба ин қишри фаъоли ҷомеа аз ҷониби Ҳукумати ҷумҳурӣ диққати махсус дода мешавад. Маҳз бо дастгириҳои пайвастаи Пешвои миллат муҳтарам Эмомалӣ Раҳмон фаъолияти қисмҳои низомӣ ва шароити хизмати аскарон сол ба сол беҳтар гардида, дар ҳамаи ҷузъу томҳои Артиши миллӣ шароити муносиби ҷавобгӯ ба талаботҳои ҷаҳони муосир барои хизмати ҷавонон муҳайё гардидааст.

Куганзода Ҳакими Самад иброз намуд, ки ҳеҷгоҳ набояд фаромӯш кард, ки заминаи таъмини асосии бехатарӣ ва амнияти давлат ҳимояи марзу бум ва сулҳу суботи кишвар дар ҳама давру замон артиш буд ва то абад мемонад. Танҳо ҷавонони бо ору номус, шуҷоъ ва ватандӯст метавонад, ки ҳар як порчаи ватанро ҳифз кунад ва мардонавор сазовори номи сарбозӣ шаванд.

Чорабинии мазкуро Раёсати фарҳанги вилояти Хатлон бо барноами ҳунарии худ, ранги дигар бахшиданд.

Дар фарҷоми чорабини туҳфаҳои мақомоти иҷроияи ҳокимияти давлатии вилояти Хатлон ва мақомоти иҷроияи маҳаллии ҳокимияти давлатии шаҳр ба нишони қадрдонӣ ба наваскарон супорида шуд.