Зери ин унвон дар шаҳри Хоруғ бо иқдоми Раёсати кор бо ҷавонон ва варзиши ВМКБ ва ширкати ҷавонону ризокорони вилоят семинари омӯзишӣ баргузор гардид.

Семинар баҳри тақвияти фаъолияти волонтёрӣ дар доираи Барномаи рушди иҷтимоии ҷавонон дар Ҷумҳурии Тоҷикистон барои солҳои 2016 - 2018 бо дастгирии Кумитаи кор бо ҷавонон ва варзиши назди Ҳукумати кишвар ва дар ҳамкорӣ бо Мақомоти иҷроияи маҳаллии ҳокимияти давлатии вилоят рӯи кор омадааст.

Ба гуфтаи муовини сардори раёсат Сураҷ Чоршанбиев, ҳамарӯза теъдоди ҷавонони зиёд узви Клуби волонтёрони назди раёсат мегарданд, ки ин ташаббус барои ояндабинии онҳо бисёр муфид аст.

Мавсуф ҳамчунин қайд намуд, ки хушбахтона саҳми волонтёрон дар чорабиниҳои сиёсӣ, иқтисодию иҷтимоӣ назаррас буда, онҳо бомаром дар асоси Қонунҳои Ҷумҳурии Тоҷикистон "Дар бораи ҷавонон ва сиёсати давлатии ҷавонон" ва "Дар бораи фаъолияти волонтёрӣ" мӯшикофона амал мекунанд.