Зери ҳамин унвон дар толори Филиали муассисаи давлатии “Литсейи касбии махсуси маъюбон” – ноҳияи Рӯшон бо ибтикори Бахши кор бо ҷавонон ва варзиши ноҳия ба ифтихори 26 - солагии таъсисёбии Қувваҳои Мусаллаҳи Ҷумҳурии Тоҷикистон мизи мудаввар баргузор гардид.

Чорабинӣ бо мақсади ҷалби бештари ҷавонон ба хизмат, тарбияи насли наврас дар рӯҳияи ватандӯстиву ватанпарастӣ, бедор намудани ҳисси баланди хештаншиносӣ, ифтихор аз мансубияти миллӣ ва дар ин замина тарбия намудани ҷавонон дар рӯҳияи хештаншиносиву садоқат ба Ватан роҳандозӣ шудааст.

Қаландар Давлатмамадов, мудири бахш гуфт, ки мизи мудаввар бо ҷалби ҷавононони синни даъватӣ ва хонандагони синфҳои болоӣ сурат гирифта, ҳамчунин дар он масъулини комиссариати ҳарбии ноҳия, ШВКД, дастгоҳи мақомоти иҷроияи маҳаллии ҳокимияти давлатӣ иштироку баромад доштанд.

Ҳозирин асосан масоили ҳифзи марзу буми ватан аз ашхоси бегонаву ифротгаро, ихтиёран ҷалб намудани ҷавонон ба хизмати ҳарбӣ, муқаддас донистани савганди ҳарбӣ, ҳимояи манфиатҳои миллию давлатӣ ва ғайрраро мавриди баҳсу баррасӣ қарор доданд.