Шуъбаи кор бо ҷавонони Донишгоҳи давлатии Хоруғ (ДДХ) ба номи Моёншо Назаршоев ва Раёсати кор бо ҷавонон ва варзиши ВМКБ озмуни “Канӣ писарон?” - ро ҷамъбаст намуданд.

Аз рӯи натиҷаҳои даври ниҳоии озмун ҷавонони факултети филологияи ДДХ афзалиятҳои бештарро ба даст оварда, соҳиби ҷои аввал ва Ҷоми ректори донишгоҳ шуданд. Зинаи дуюму Ҷоми раёсатро факултети педагогӣ гирифта, факултаи математика ҷои сеюм ва Ҷоми Бахши кор бо ҷавонон ва варзиши шаҳрро ба даст овард.

Инчунин, ба ғолибон ва 12 нафар муҳассилини фаъол ифтихорномаҳои шуъбаву роҳбарияти ДДХ, раёсат ва бахш тақдим шуд.

Ёдрас мешавем, ки озмун чанде қабл ба ифтихори Рӯзи таъсисёбии Қувваҳои мусаллаҳи кишвар байни ҳашт дастаи факултаҳои ДДХ оғоз ёфта, ҳадаф аз баргузории он тақвият бахшидани ҳисси меҳандӯстӣ дар ниҳоди ҷавонон, ҷалби онҳо ба машғулиятҳои шоиставу муфид ва рушди ҳамкориҳо миёни ҷавонону муҳассилин аст.